Kryeministri grek, Aleksis Cipras ka gati paketën e reformave me vlerë 12 miliardë euro për një kohëzgjatje 2 vjecare. Sipas të përditshmes greke “Kathimerini”, plani parashikon taksa indirekte dhe të drejtpërdrejta.
Sipas medias greke, paketa që pritet t’i propozohet PE eshte me vlerë më të lartë se propozimi i mëparshëm, pasi synon shmangien e rënies në recesion.
Cipras, pasi u kthye nga Brukseli pas një debati të gjatë në Parlamentin Evropian i quajti orët e ardhshme vendimtare.
“Këto janë kohë të rëndësishme dhe është e nevojshme t’u ofrojmë informacionin e duhur partive politike, në mënyrë që të mos ketë keqkuptime”, tha ai.
Propozimet e reja do të studiohen nga ministrat e Financave të Eurozonës ditën e shtunë dhe një qëndrim zyrtar do të dalë të dielën nga samiti i BE-së.
NDIQE LIVE "PANORAMA TV" © Panorama.al