Menaxheri Mino Raiola ka nisur luftën ndaj ish-mesfushorit të Mançester Junajtid, Pol Skoll. Shkak për këtë konflikt është bërë Pol Pogba. Skoll deklaroi në fundin e ndeshjes me Brajtonin, se Pogba zhvilloi një ndeshje të dobët edhe pse duhet të ishte lider. Kaq ka mjaftuar që Raiola të postojë në “Twtter” mesazhe ironizuese për Skollsin.
“Disa njerëz kanë nevojë të flasin nga frika që të mos harrohen. Pol Skolls nuk do ta njihte një lider edhe nëse do të kishte përballë Uinston Çërçillin.
Pol Skolls duhet të emërohet drejtor sportiv dhe ta këshillojë Udardin ta shesë Pogbanë. Do të qëndronte netë pa gjumë derisa t’i gjente Pogbasë një klub të ri”.
Ky reagim i Raiolës, nuk i pëlqeu aspak legjendës tjetër të Mançesterit, Geri Neivill, i cili këshilloi Pogbanë që t’ia mbyllte gojë menaxherit të tij.
NDIQE LIVE "PANORAMA TV" © Panorama.al
