Mediat italiane konfirmojnë se autori i dyshuar që masakroi me thikë shqiptaren 37-vjeçare të mërkurën e 25 majit është arrestuar gjatë natës së kaluar.
Viktima është 37-vjeçarja shqiptare, Brunilda Muça Halla, nënë e dy fëmijëve.
Sipas mediave, vrasësi është identifikuar nga karabinierët falë kamerave të sigurisë së zonës.
Në deklarimet e para të dhëna para hetuesve, i dyshuari mësohet se e ka pranuar që e kishte kryer ai krimin.
Por shokuese për hetuesit është se nga hetimet e deritanishme, ka rezultuar se ndoshta ky krim nuk ka shkak.
Sipas informacioneve të para, të pa konfirmuara ende zyrtarisht, krimi erdhi pa asnjë motiv.
Dëshmitarët e shumtë që e kanë njohur Brunildën, e njohur shkurt si Bruna, flasin për një nënë dhe një grua të thjeshtë, me një jetë të qetë. Bashkëshorti i saj, shqiptar, ishte në punë në orën 14:00, në kohën kur ndodhi krimi.
Sipas mediave italiane, hetuesit po punojnë për sqarimin e krimit.
Krimi, ndodhi në Vittoria, në provincën e Raguzës, pak para mesditës së 25 majit.
NDIQE LIVE "PANORAMA TV" © Panorama.al
