Nje vrasje brenda familjes ka ndodhur brenda familjes, ne rrugen “Rrustem Statovci”, ne Ferizaj, Kosove. Referuar raportimit te mediave fqinje mesohet se djali ka mbytur nënën e tij.
Rastin është konfirmuar edhe nga prokurori Veton Shabani, i cili ka thënë se: “Ka dyshime për vrasje. Mjekësia Ligjore e ka marrë trupin e pajetë të viktimës, obduksioni do ta sqarojë situatën më detajisht. Por dyshimet e para janë se kemi të bëjmë me vrasje”.
Shabani ka bërë të ditur se viktima ka jetuar me djalin e saj, i cili sipas informatave të para nga vendi i ngjarjes është i dyshuar kryesor.
“E ndjera ka jetuar me një djalë të saj, që sipas informatave të para, ka të meta mendore. Është dërguar për ekzaminim te psikiatri. I dyshuar për momentin është djali, policia e ka marrë dhe është duke u trajtuar nga psikiatri”, ka deklaruar Shabani.
Gjithashtu edhe zëdhënësi i policisë për rajonin e Ferizajt, Agim Gashi e ka konfirmuar rastin për lajmi.net.
“Policia është në vendin e ngjarjes, jemi duke e hetuar rastin, pasi të kryhen të gjitha hetimet do të dalim me një njoftim. Për momentin rasti është “hetim i vdekjes”, ka thënë Gashi.
Viktima është identifikuar me inicialet M.Ç., shtetase e Kosovës e moshës 83-vjeçare.
NDIQE LIVE "PANORAMA TV" © Panorama.al
