Drejtorja e Përgjithshme e Tatimeve, Vasilika Vjero, sqaroi dje qëllimin e përfshirjes së një pjese të Biznesit të Vogël në skemën e TVSH-së.
Sipas saj, kjo masë ishte e domosdoshme për të formalizuar tregun dhe për t’i dhënë fund mashtrimeve nga biznesi i madh.
“Kjo reformë e domosdoshme e për shumë vite e vonuar, për formalizimin e ekonomisë, as nuk do të rëndojë barrën e të vegjëlve (që sot e kanë taksën ZERO apo vetëm 5% kur kanë një xhiro mes 5-8mln) dhe as nuk do të ndikojë mbi çmimet. Falë kësaj reforme do të marrë fund cirku i shumë të mëdhenjve që janë shfaqur si të vegjël, duke gënjyer njëkohësisht konsumatorin dhe shtetin, si edhe loja e shumë të mëdhenjve që kanë përdorur të vegjlit për të shmangur detyrimet tatimore, duke dëmtuar konkurrencën në treg”, u shpreh dje Vjero.
NDIQE LIVE "PANORAMA TV" © Panorama.al
