Kryetari i Shoqatës për Mbrojtjen e Tregtareve dhe Tregut te Shqipërisë, Nikollaq Neranxi thotë se masat e marra nga qeveria janë të domosdoshme, por të pamjaftueshme që situatën që po kalon vendi.
Teksa ka falënderuar qeverinë dhe Bankën e Shqipërisë, që vendosi shtyrjen e shlyerjes se kësteve, me tre muaj, për qytetare dhe biznese, ata kërkojnë që duhen mbyllur te gjitha njësitë tregtare te paktën deri ne fund te marsit.
Reagimi i Neranxit:
Ne situaten e krijuar, cdo mase, sado ekstreme ne dukje, sherben per shendetin e popullates. Deri tani masat e marra jane ato te duhurat, por te pamjaftueshme. Shoqata per Mbrojtjen e Tregtareve dhe Tregut te Shqiperise me kryetar Nikollaq Neranxin, beri thirrje dy dite me pare per:
– Lehtesim te barres fiskale!
– Mos aplikim i kamatvonesave ne pagesat e faturave te ujit dhe te dritave.
– Mos aplikim i gjobave per vonesa ne pagesat e TVSh apo tatim fitimit.
– Negocim me bankat per shtyrjen e pagesave te kesteve te kredive.
Falenderojme qeverine dhe Banken e Shqiperise e cila vendosi shtyrjen e shlyerjes se kesteve, me tre muaj, per qytetare dhe biznese.
Mbyllja e bareve dhe restoranteve ishte vendimi i duhur, por nuk mjafton. Duhen mbyllur te gjitha njesite tregtare te pakten deri ne fund te marsit. Cfare kuptimi ka te mbyllesh nje bar dhe te lesh hapur nje parukeri psh!? Mos beni gabimin qe bene italianet te cilet te frikesuar nga fatura financiare, vetem dje e moren kete vendim, qe te lene hapur vetem farmacite, dyqanet e ushqimeve, pikat e karburanteve dhe kioskat ambulante. Ate duhet te bejme edhe ne, sepse duke lene hapur cdo dyqan, shpenzimet do te rriten neper spitale me me shume te infektuar dhe nuk fitohet asgje keshtu. Te merren vendime si me poshte:
– Mospagese e asnje takse dhe tarife nga ana e biznesit, per nje afat te pakten 3 muaj.
– Te subvencionohet nga shteti pagesa e plote e sigurimeve shoqerore per te punesuarit, per nje afat te pakten 3 muaj. Pas daljes nga gjendja e emergjences, bizneset do te heqin shume njerez nga puna, si pasoje e krizes financiare. Kjo gje duhet parandaluar. E di qe papunesia nuk duhet te jete shqetesimi i sipermarresve, por i sindikatave dhe shtetit, por ne po bejme detyren tone si qytetare te pergjegjshem.
Sot me shume se kurre merr kuptim fjala solidaritet!
NDIQE LIVE "PANORAMA TV" © Panorama.al
