Kryetari i Qarkut të Tiranës, Aldrin Dalipi dhe kryetari i Bashkisë Kamëz, Rakip Suli zhvillua sot një aksion për mbjelljen e qindra fidanëve për krijimin e miniparqeve dhe zhvillimin e zonës.
“Nisëm në Kamëz për herë të parë aksionin masiv të mbjelljes së fidanëve sëbashku me kryebashkiakun Rakip Suli, bashkinë e qytetit, aktivistë të EkoMendje. Gjelbërimi në këtë pjesë të lumit Tirana do të vazhdoj, krijimi i parqeve të vogla në funksion të qytetarëve. Pastërtia tashmë vihet re kudo,” u shpreh kryetari i Qarkut, Aldrin Dalipi.
Dalipi u shpreh se , sipas tij, Kamza ka një transformim të jashtëzakonshëm përsa i përket gjelbërimit dhe pastërtisë.
Nismës iu bashkuan nxënës të shkollës “Isa Boletini” të Paskuqanit dhe punonjës të Ndërmarrjes së Pastrim-Gjelbërimit në Bashkinë e Kamzës.
“Ne po punojmë çdo ditë për përmirësimin e jetës së qytetarëve, jemi të gjithë të angazhuar në këtë drejtim. Ju bëjmë thirrje të rinjve t’ju bashkohen iniciativave të tilla që i shërbejnë të tashmes dhe së ardhmes, për një qytet cilësor dhe konkurrues”, u shpreh Suli.
