“Krerët e mazhorancës aktuale i ka kapur keq paniku nga forca dhe energjitë, që ka LSI dhe në Vlorë ndaj me makineritë e tyre të propagandës vetëm flasin. Ndoshta kjo ndikon në nënvlerësimin që mund të kenë ata në forcën e LSI, e cila po punon që t’ju bëjë si “dhuratë” më prill surprizën, që nuk e kanë menduar”
Pedagogja e U.E.T .Grisejda Myslymi është kandidatja e LSI-së për qarkun e Vlorës në zgjedhjet e 25 prillit.
Me një një mendim shumë bashkëkohor për zgjidhjen e problemet që përballet sot qyteti saj i lindjes ,Myslymi flet për gazetën “Telegraf” lidhur me prioritet e programit të kësaj partie si edhe fushatën e zgjedhjeve në këtë qark. Grisejda kur bën të ditur problematikat kryesore me të cilat haset Vlora, nuk harron të tregojë edhe zgjidhjet që duhet të jepen.
Optimizmin që e karakterizon për një rezultat pozitiv në shërbim të LSI në këto zgjidhje, ajo me shumë kujdes e përmbledh tek togfjalëshi se: “Vlora është burim i energjive të jetës time që më frymëzojnë vetëm për sukses “.
Ja intervista e plotë dhënë për telegraf.al:
–Grisejda , e kishit menduar që një ditë do riktheshit në Vlorë , si kanidate për deputete e LSI-së?
– Unë e kam pëlqyer shumë vite më parë programin që ka LSI dhe kam qenë një simpatizante e saj. Tipi im është i tillë që kërkon të ballafaqohet me sfida dhe kur ato janë të vështira dhe të dalë fituese.Kjo është e vërteta që ftesës që më bërë ti përgjigjem pozitivisht
– Ju jeni e dyta në listën e LSI për qarkun e Vlorës. Cila është përgjegjësia që ndjeni?
– Kjo është dhe një arsye më shumë për mua për të shumëfishuar forcat për një fitore edhe më të mirë të LSI në qarkun e Vlorës, në krahasim me zgjedhjet e kalara të vitit 2017. E them me shumë sinqeritet që puna jonë nuk do të kufizohet vetëm për siguruar dy deputetë, por për të marrë një rezultat, që do të lakohet si një suprizë e bukur e këtyre zgjedhjeve.
-Krerët e PS dhe jo vetëm në Vlorë, flasin për një mosfuksionim të strukturave të LSI në bazë ?
-Asgjë nuk është e vërtetë. Duket qartë që krerët e mazhorancës aktuale i ka kapur keq paniku nga forca dhe energjitë, që ka LSI dhe në Vlorë ndaj me makinerinë e tyre të propogadës vetëm flasin. Ndoshta kjo ndikon në nënvlersimin që mund të kenë ata në forcën e LSI, e cila po punon që t’ju bëjë si “dhuratë” më 25 prill suprizën, që nuk e kanë menduar.
– Si vajzë vlonjate ju e njihni mirë Vlorën …
– Jo vetëm e njoh , por i ndiej mirë të rrahurat e zemrës të gjithë qytetit tim të dashur. Edhe pse kam gjashtë vite që punoj në Tiranë si pedagoge e lëndës të financë- kontabilitet në U.E.T, çdo ditë kam jetuar dhe jetoj me gjithcka që ka dhe përjeton qyteti im i dashur. Dhe ndodh kështu, jo vetëm se unë kam në Vlorë prindërit, motrën dhe vëllain tim, si dhe të gjithë fisi tim, por dhe për atë se këtu i njoh dhe më njohin pjesa më e madhe e banorëve të qytetit.
– Si ju kanë pritur bashkëqytetarët tuaj të Vlorës?
-Të them të drejtën, as vet nuk e kisha menduar atë pritje dhe mënyrë përcjellje, që më bënë ata. Bashkqytetarët e mi kanë halle dhe shumë probleme që duan zgjidhje dhe jo fjalë të mira dhe të bukura. Këtu ka rëndësi që vlojatëve t’ju dish të prekësh telat e zemrës dhe ata jo vetëm të japin votën, por të falin dhe shpritin. Unë jamë vajzë e tyre dhe i di mirë këto gjëra me gjitha traditat dhe zakonet që kemi ne vlonjatët për raste të tilla.
– Ju keni shkelur në çdo lagje të Vlorës. Cilat janë problemet që ju kanë thënë qytetarët?
– Problemet janë më të shumëta në krahasim me zgjedhjet e viteve të kaluara. Vlora nuk është ajo që paraqitet si fasadë plotë ngjyra nga qeveria dhe përfaqësuset e saj sa herë vijnë për fundjavë për uikedet e tyre poltike. Qyteti Vlorës nuk është Lugomarja, që ka 8 vjet që ka nisur edhe ende nuk ka përfunduar, por çdo ditë dhe çdo herë thuhet se “ do bëjmë dhe fazën e dytë. Do bëjmë dhe këtë dhe atë “. Vlora janë lagjet e vjetëra të qytetit “Topanaja”,”Muradija”, ”Vrenezi” ‘Karabashi “ , “Varoshi”, “Partizani”, ‘Skela”, ”Cole” “Kume” , pa harruar këtu lagjet e reja që kanë lindur në këto dekadat e fundit. Të vijë dikush me mua sot dhe t’i dëgjojë vlonjatët çfarë thonë dhe të shikojë si reagojnë ata?
“Vlora nuk është ajo që paraqitet si fasadë plot ngjyra nga qeveria dhe përfaqësuesit e saj sa herë vijnë për fundjavë për uikendet e tyre politike”
– Çfarë ju thonë vlonjatët?
– Thonë që në qytetin e tyre flitet se janë bërë milona euro investime, por qyteti përmbytet sa herë që bie një orë rreshje shiu.Thonë që lagjet e qendrës së qytetit pranë sheshit “Flamurit” janë lënë në harresë të plotë në shumë drejtime. Vlora nuk ka një treg për shitje fruta –perime, por gjithçk bëhet në kushte nga më skadalozet pranë Sahatit të qytetit. Shumë lagje nuk kanë furnizim me ujë në menyrë normale. Ka blloqe në lagje të veçanta që qëndroin me ditë të tëra pa ujë. Dhe infrastrutura e rrugëve është për të qarë hallin. Për këto investime duhet të flasin pushtetarët e sotëm jo për “ide” dhe “projekte” që fshehin të vërtetën. Këtyre fakteve, po t’ju shtosh shpopullimin e qytetit nga të rinjtë, mungesën e vendeve të punës, taksat e larta vendore dhe mungesa e përkrahjes për shtresat në nevojë, kuptohet qartë se Vlora, si dhe gjithë Shqipëria, pavarësisht atyre që thuhet nga shteti dhe pushteti vendor, po jeton ditë jo të mira dhe me mungesë të zgjidhjeve të duhura.
-Po gjëndja e fshatrave të Vlorës si është?
– Gjithcka është i lënë në mëshirë të fatit, ku ata pak fshatarë dhe fermerë, që kanë mbetur përballen çdo ditë me probleme të ndryshme nga pasojat e premtimeve, që janë bërë dhe nuk janë mbajtur. Shumë fshatra pranë qytetit të Vlorës kanë disa vite që nuk kanë ujë të pijshëm, për të mos folur pastaj për mungesën e përkrahjes për punët që kryejën në bujqësi dhe blegtori.
– Jo vetëm pozita gjeografike, por dhe ajo çka trumbetohet me të madhe është “karta për turzimin?
-Detin dhe ditët me diell të gjithë qarkut të Vlorës ja ka falë Zoti dhe askush tjetër që mendon ndryshe. Këtë gjë tëgjithë e din që është kështu, dhe jo siç i pëlqen dikujt të thotë se po ju mësojmë vlonjatëve dhe sarandiotëve sportin e notit. Turizmi është asset dhe vlerë për mirëqënie dhe nuk duhet të jetë vetëm në tre muajtë e verës, siç dhe po ndodh në fakt.Turizmi nuk mund të jetë elitar, ku qyteza e Orkumit dhe fshatrat përqark tij nuk kanë furnizim normal me energji elektrike. Si mund të, mendosh se bënë turzëm dhe ju shërben qytetarëve, kur Bregdeti Vlorës është i mbushur i gjithë me plazhe private, ku çmimet janë të kripura? Ku janë plazhet publike, që thonë dhe propagadojën aq shumë, sa herë që zhvillojnë ceremoni për çeljen e sezoneve verore? Kostatimi im është se PPP-të ndaj miqve dhe shokëve e kanë kapur keq zhvillimin e turzmit në qarkun e Vlorës.
– Cili është mendimi juaj për sistemin e taksave që zbatohet ndaj qytetarëve?
-Qytetarët shqiptrë janë taksuar gjithmonë e më shumë nga viti në vit nga kjo qeveri, që është në pushtet. Tatim fitimi në vite është rritur. Paralel me rritjen e pagave janë rritur edhe sigurimet shoqërore dhe shëndetësore. Bizneset e mëdha tatohen shumë dhe derdhin kontribute të mëdha për të ardhurat që ata fitojnë dhe arkëtojnë. Sistemi i fiskalizimit do të shtoje kostot e bizneseve dhe do të vështirësojë të bërin biznes në Shqipëri. Mendoj se heqja e TVSH-së duhet të ishte aplikuar edhe për biznese të caktuara, të cilat pavarësisht se kryejnë import,e kanë xhiro vjetore të ulët dhe me vështirësi arrijnë e të mbijetojnë në tregun e defermuar.
-Si pedagoge dhe qytetare çfarë mendimi ndani për arsimin dhe shëndetësinë në Vlorë?
– Janë dy hallka shumë të nevojshme, që ju duhen qytetarëve që nuk janë në nivelin e duhur. Arsimi vazhdon të vuaj pagat e ulëta të mësuesve dhe pedagogëve, si dhe mungesën e infrastrukturës të mësimdhënies. Në universitetin e Vlorës mësimi online për shkak të pedamisë nuk zhvillohet i drejtëpërdrejtë, ndaj rezultatet në provime nuk janë të mira. Në shëndetësi masat e marra për përballimin e viruesit të Covid -19 kanë nxjerr në mënyrë të hapur, shumë probleme, që nuk ju përgjigjen nevojave, që kanë qytetarët .Ka dhe probleme të tjera, që vlonjatët po i vuajën shumë çdo ditë nga nga sistemi “mjekësia që duam”.
–Këto muajët e fundit vlonjatët janë të shqetësuar dhe për gjëndjen që po kalon ekipi tyre i Flamurtarit?
-Fakti që unë jam vajza e një ish sportisti në peshngritje të Flamurtarit, e ndiej këtë gjë. Por këto ditë që jam takuar me njerëz, që e duan sportin, kam mësuar edhe më shumë rreth kësaj gjëndje. Flamurtari është një nga ato vlera që ka Vlora, që na ka bërë krenar dhe në arenën ndërkombëtare në futboll, basketboll, not, mundje, boks, peshngritje dhe sporte të tjera. Shumë sporte të traditës janë zhdukur se nuk mbështeten nga nga financiare nga pushteti vendor. Klubi futbollit po shkon në falimentim të plotë, si asnjëherë tjetër. E thënë më qartë, edhe traditën dhe krenarinë sportive, e kanë shëmtuar shumë keq.
-Të gjitha këto që po thoni janë një arsye më shumë për t’u bërë të qartë qytetarëve vlonjatë avantazhet që ka për zgjidhjet e tij programi i LSI?
-Kjo dihet tashmë, se programi LSI është jo vetëm gjithëprfshirës, por dhe specifik me zgjidhje dhe alternative, që duhet për të ndryshuar gjëndja, ku është sot Vlora, që qytetarët të ndjejnë në kuptimin e vërtetë të fjalës, si në shtëpin e tyre.
-Këto janë dhe “armët” që do të kërkoni votën vlonjatëve?
-Kuptohet jo vetëm këto, por dhe ajo çfarë ju afron qytetarëve alternativa e bllokut të opozitës të bashkuar në këto zgjedhje, janë avantazhe që na afrojnë më shumë tek problemet dhe na japin motivimin e duhur për të afruar projekte serioze të zbatushme dhe me efektivitet për zgjidhjen e situatës që ndodhet vendi.
– Ju duket pak e “ashpër” kryetarja e LSI-së zonja Monika Kryemadhi?
– Aspak (qesh).Ajo është shumë energjike dhe e drejtëpërdrejtë. Unë kam pasur rastin të bisedojë dhe kosultohem shumë herë të dhe ajo që kostatojë është se është orietuese dhe tepër njerëzore. Ajo që mund të quhet “ashpërsëi” e saj është këmbëngulja që e karakterizon për të prekur suksesin.
– Çfarë është tjetër Vlora për ju?
-Vlora për mua është gjithçka.Ajo është burim i energjive të jetës time.