Teksa pritet të konfirmohet nëse do të ketë një vizitë në vendin tonë të Kryeministrit grek Aleksis Cipras, “Panorama” mëson se ditën e enjte do të vijë në Tiranë, ministri i Jashtëm grek Nikos Kotzias.
Burimet thanë se kreu i diplomacisë greke do të qëndrojë për disa orë në kryeqytet, ku pritet të zhvillojë një takim me ministrin e Jashtëm shqiptar Ditmir Bushati.
Sakaq, sot “Himara.gr” shkruante ne nje artikull se takimi që pritej të vulonte paktin detar eshte anuluar dhe pas tij qëndron Presidenti i Turqisë, Rexhep Taip Erdogan.
“Edi Rama javën e kaluar, pas kthimit të tij nga Brukseli bëri një udhëtim “rrufe” në Stamboll, ku u takua me Erdogan. Me sa duket ai donte ta informonte për negociatat e Shqipërisë me Bashkimin Europian dhe për zhvillimet në marrëdhëniet shqiptaro-greke, veçanërisht çështja e detit. Sipas burimeve shqiptare, Erdogan e ka këshilluar Ramën të bllokojë marrëveshjen me Greqinë”,- shkruan Himara.gr.
NDIQE LIVE "PANORAMA TV" © Panorama.al