Marko Gjuriç është shprehur kundër idesë për t’i dhënë Kosovës një vend në OKB, por pa e njohur Pavarësinë e saj.
“Për t’i dhënë Prishtinës një karrige në Kombet e Bashkuara dhe për këtë Serbia të mos marrë asgjë, është njësoj sikurse Serbia të pranojë pavarësinë e shpallur në të gjithë territorin e saj dhe të lihet përherë edhe veriu”, ka deklaruar drejtori i të ashtuquajturës Zyrë serbe për Kosovën Marko Gjuriç në përgjigjen ndaj qëndrimit të cilin e paraqiti Sasha Jankoviç në intervistë për javoren ‘Vreme’.
“Është një ide shumë e keqe,” vlerëson Gjuriç pikëpamjen e kreut të Lëvizjes së qytetarëve të lirë se çështja e Kosovës duhet të zgjidhet me integrimin e saj në organizatat ndërkombëtare, duke përfshirë OKB-në, por pa njohjen e pavarësisë.
