Ministri serb i Punëve të Jashtme, Ivica Daçiç ka deklaruar se për Serbinë do të jetë e papranueshme nëse nuk do të ketë ndryshime në platformën negociuese të BE-së për kapitullin 35.
Platforma ka të bëjë me vazhdimin e dialogut të Prishtinës e Beogradit, zbatimin e Marrëveshjeve të Brukselit dhe normalizimin e marrëdhënieve Kosovë-Serbi.
“Të gjithë e dinë mirë deri ku mund të shkojë Serbia. Serbia mund të shkojë deri te vija e neutralitetit statusor. Është thënë qartë se asgjë që nuk është arritur në Bruksel nuk mund të jetë në platformën negociuese. Për fat në BE janë edhe pesë vende që nuk e kanë njohur Kosovën”, ka thënë Daçiç për RTS, transmeton Koha.net.
Daçiç ka thënë se Serbia habitet me qasjen e vendeve dhe partnerëve nga Perëndimi që ndryshojnë tekstin e platformës negociuese pa informimin Serbisë.
“Ne nuk duhet të pajtohem me të gjitha, por qasja duhet jetë miqësor e me partneritet dhe për këtë ua shohim për të madhe vendeve perëndimore që e kanë njohur Kosovën pse nuk punojnë në ujdi me Serbinë”, ka thënë Daçiç.
Në pyetjen nëse propozimplatforma për negociata hap rrugën e Kosovës drejt anëtarësimit në KB, Daçiç ka thënë se kjo nuk është e mundur, sepse anëtarësimi i plotë kërkon vendimin e Këshillit të Sigurimit ku është institucioni i vetos.
NDIQE LIVE "PANORAMA TV" © Panorama.al
