Të enjten në stadiumin “Fadil Vokrri” të Prishtinës do të luhet ndeshja miqësore mes Kosovës dhe Gjibraltarit. Për këtë takim janë përcaktuar tre arbitra shqiptarë për të gjykuar.
Kryesor do të jetë Juxhin Xhaja, i cili prej dy vitesh mban edhe stemën e FIFA-s, ndërsa si anësorë janë caktuar Ilir Tartaraj i Kolegjiumit të Fierit dhe Nertil Bregasi i Kolegjiumit të Tiranës. Ndërsa arbitri i katërt do të jetë vendës, pikërisht Besfort Kosumi.
Ndeshja Kosovë-Gjibraltar do të luhet nesër në orën 18:00 dhe ky takim do t’i shërbejë trajnerit Bernard Shaland si provë gjenerale në prag të eliminatores kundër Malit të Zi.
Dje kanë folur për këtë takim edhe sulmuesi Atdhe Nuhiu e portieri Samir Ujkani. “Ndeshja me Malin e Zi është shumë e rëndësishme për ne, por ashtu ka qenë edhe me Çekinë e Bullgarinë më herët. Kemi pasur rezultate të mira ndaj tyre dhe shpresojmë të kemi.
/PANORAMASPORT.AL/
NDIQE LIVE "PANORAMA TV" © Panorama.al
