Kryeministri i Kosovës Albin Kurti ka reaguar nga SHBA për dështimin e negociatave mes Prishtinës dhe Beogradit në Bruksel, për çështjen e targave.
Ai tha se nuk i di arsyet pse nuk është arritur marrëveshja mes palëve duke theksuar se kjo do të sqarohet nga përfaqësuesi i BE-së, Miroslav Lajçak.
“Unë nuk e kam ndjekur për së afërmi procesin e fundit të bisedimeve për targat, mirëpo besoj se ndërmjetësuesi Lajçak do të shpjegojë publikisht se cila palë nuk ishte konstruktive.
Unë për vete nuk kam dilema, e di që kryenegociatori, zëvendëskryeministri i Kosovës, Besnik Bislimi, ka qenë edhe konstruktiv edhe kreativ por qartazi Beogradi nuk është i interesuar që të ketë marrëveshje ndërkaq ne nuk duam asnjëherë ta vëmë në pikëpyetje parimin e reciprocitetit.
I takon lehtësuesit që të sqarojë se pse konkretisht nuk u arrit marrëveshja e cila ka qenë mjaft afër e për të cilën edhe Lajçak është angazhuar shumë”, tha Kurti për RTK-në.
NDIQE LIVE "PANORAMA TV" © Panorama.al