Presidenti rus Vladimir Putin ka shtyrë një votim për ndryshimet kushtetuese që do t’i lejojë atij të qëndrojë në pushtet, për shkak të shqetësimeve të koronavirusit.
Ai tha se votimi publik – që duhej të mbahej më 22 prill – do të shtyhej deri në një “datë të mëvonshme”.
Ndryshimet e propozuara përfshijnë heqjen e një ndalimi për lejimin e Putinit që të kandidojë përsëri për detyrën.
Ndryshimet tanimë janë miratuar nga parlamenti dhe Gjykata Kushtetuese e Rusisë.
Ata do t’i jepnin zotit Putin – i cili mban mandatin e tij të katërt presidencial dhe ka mbizotëruar politikën ruse për dy dekada – të drejtën për të shërbyer edhe në dy mandate të njëpasnjëshëm.
Më vonë të mërkurën, Rusia konfirmoi vdekjen e dy personave që ishin diagnostikuar me virusin. Një 88-vjeçar dhe 73-vjeçar kishin probleme shëndetësore të mëparshme, njoftoi Ria Novosti. Rusia ka gjithsej 658 raste.
“Prioriteti absolut për ne është shëndeti, jeta dhe siguria e njerëzve. Prandaj besoj se vota duhet të shtyhet deri në një datë të mëvonshme,” tha Putin.
NDIQE LIVE "PANORAMA TV" © Panorama.al
