Kryebashkiaku i Bergamos Xhorxho Gori e ka konsideruar ndeshjen e parë të raundit të 1/16-ve të Ligës së Kampioneve Atalanta-Valencia e luajtur në “San Siro” si “bombë biologjike” duke iu referuar përhapjes së koronavirusit në këtë qytet.
Takimi u luaj në 19 shkurt dhe kreu bashkiak i Bergamos beson se fakti që në “San Siro” ishin të pranishëm plot 44 mijë veta ka shkaktuar përhapjen e shpejtë të koronavirusit.
“Ajo ndeshje ishte një bombë biologjike. Në atë kohë ne nuk e dinim se çfarë po ndodhte. Pacioenti i parë në Itali u shënua në 23 shkurt. Nëse koronavirusi ka qenë duke qarkulluar atë kohë, 44 mijë personat në ‘San Siro’ janë infektuar me këtë virus. Askush nuk e dinte se virusi po qarkullonte mes nesh. Shumë veta i kanë parë ndeshjet në grup dhe natyrisht që kanë patur kontakte me njëri-tjetrin. Virusi është transmetuar nga një person te një tjetër”, shprehet kryetari i bashkisë së Bergamos Xhorxho Gori.
Bergamo është qyteti më i prekur nga koronavirusi në Itali pas Milanos, duke shënuar një numër të konsiderueshëm viktimash nga virusi COVID-19.
Në të gjithë Italinë, numri i viktimave prej koronavirusit ka kaluar numrin e 10 mijë të vdekurve.
PANORAMASPORT.AL
NDIQE LIVE "PANORAMA TV" © Panorama.al