Sekretari i Përgjithshëm i Partisë Socialiste, Taulant Balla ka publikuar një shkrim të gazetës “The Times”, ku sipas tij provat e reja të hetimeve britanike konfirmojnë pagesat për lobimin.
Gjithashtu për të provuar të vërtetat sipas tij, Balla ka publikuar edhe dokumentet e publikuara në faqen zyrtare të Departamentit Amerikan të Drejtësisë (Akti i Rregjistrimit të Agjentëve të Huaj).
Balla shkruan se provat “konfirmojnë përfundimisht se një kompani skoceze guackë ‘(SLP) është në zemër të një hetimi mbi krimet e dyshuara të financimit të fushatës të Lulzim Bashës, kryetarit të opozitës në Shqipëri, i cili e shkeli këtë rregull i pandërshkuar’.”
Kryetari i grupit të PS-së, Balla thekson se tashmë Partia Demokratike dhe kreu i saj, Lulzim Basha i detyrohen publikut shqiptar një përgjigje të menjëhershme.
“SLP në qendër të skandalit politik në Shqipëri është Biniatta Trade e regjistruar nga Edinburg. Në vitin 2018 në rregjistrat publikë rezulton të jenë paguar qindra mijëra dollarë një lobisti amerikan në emër të Partisë Demokratike të zotit Basha. Zoti Basha fillimisht u akuzua për pastrim parash por kjo u rrëzua. Biniatta Trade u lejua të ndryshojë emrin e saj dhe pastaj u mbyll vitin e kaluar, pa u identifikuar kurrë një pronar i vertetë i saj”, shkruan ‘The Times’, përcjell Balla.
NDIQE LIVE "PANORAMA TV" © Panorama.al
