Presidenti Ilir Meta ka shpërndarë në Twitter, reagimet e Këshilltarit ekonomik pranë CDU-së, Martin Henz, i cili vë alarmin për gjendjen, sipas tij, ku ndodhet vendi ynë.
Sipas Henz, Mosfunksionimi i gjykatave krijon një emergjencë shtetërore në Shqipëri, ndërsa ka reaguar ashpër edhe ndaj ministres së Drejtësisë, Etlida Gjonaj, për të cilën shkruan se ka shkelur kushtetutën.
Më tej, eksperti gjerman i ka bërë thirrje shqiptarëve për mbrojtjen e shtetit, duke theksuar se “paratë e taksave evropiane për reformën gjyqësore janë tretur”
Postimi në twitter:
Si evropianë, kemi një problem në rritje me Ministren e Drejtësisë Etilda Gjonaj, e cila mban përgjegjësinë politike për shkeljen e përhershme të kushtetutës shqiptare. Një sjellje masive, e dënueshme, antikonstitucionale. Një sjellje e papranueshme. Kjo është me të vërtetë pengim i drejtësisë dhe një sulm ndaj shtetit shqiptar.
Asaj i mungon një kuptim i sundimit të ligjit; ajo duket se nuk e ka mësuar ligjin kushtetues në universitet.
Mosfunksionimi i gjykatave, kaosi antikushtetues në pushtimin e gjykatave, për shkak të destabilizimit absolut të ekonomisë, emigrimi i të rinjve të Shqipërisë krijon një emergjencë shtetërore.
Mungesa e respektit, deklaratat fyese nga e ashtuquajtura Ministrja e Drejtësisë Etilda Gjonaj ndaj Presidentit Meta, i cili ndërhyri në pavarësinë gjyqësore, janë probleme të tjera ligjore. Ajo tregon mospërfillje të plotë për rendin juridik dhe shtetëror. Kjo merr një dimension gjithnjë e më të madh antidemokratik. Kombi shqiptar duhet të reagojë në kuptimin e një demokracie të fortifikuar shqiptare dhe të mbrojë shtetin e saj nga ky shkatërrim. Paratë e taksave evropiane për reformën gjyqësore janë tretur
NDIQE LIVE "PANORAMA TV" © Panorama.al