Kombëtarja U19 e drejtuar nga trajneri Erjon Bogdani mposhti në miqësore Islandën U19 me rezultatin 1-0 falë golit të sulmuesit të Tiranës, Ernest Muçi. Ishte pikërisht Muçi që me golin e tij në minutën e 91-të i dha fitoren kuqezinjve në “Roza Haxhiu”.
Kujtojmë që sulmuesi gjeti rrugën e rrjetës edhe Kategorinë Superiore me Tiranën në sfidën ndaj Kukësit, duke shënuar golin e parë për bardheblutë në këtë sezon.
Edhe pse miqësore, sfida ishte e aspër dhe më shumë kartonë, teksa Islanda e mbylli ndeshjen me një lojtar më pak. Duhet theksuar se Shqipëria luajti më mirë dhe e kërkoi më shumë fitoren që erdhi falë golit të Muçit.
NDIQE LIVE "PANORAMA TV" © Panorama.al
