Panorama.al mëson se mes pesë personave, të cilët u ndaluan nga operacioni antidrogë në zonën e “Varrit të Bamit” në Tiranë është edhe Gazmir Cami, i cili nuk iu bind urdhrit të policisë për të ndaluar.
Ndërkohë, policia tha se gjate ketij aksioni u sekuestrua sasia 1 kg e 128 gram e kokaine, qe sipas burimeve të Panorama.al ishte fshehur ne nje kuti picash.
Nga videoja e bere publike shihet një polic me uniformë dhe dy civilë që i bëjnë thirrje vazhdimisht drejtuesit të “Benz”-it që të hapë derën. Madje në një moment dëgjohet njëri prej tyre që i drejtohet shoferit me fjalor banal: “Hape derën policia o k*r… Hape derën o b*thq**”.
Blutë e kryeqytetit me anë të një njoftimi zyrtar sqaruan ngjarjen, duke thënë se ndaluan një automjet, për ta kontrolluar, por drejtuesi i automjetit nuk i është bindur urdhrit të punonjësve të Policisë për të hapur dyert e makinës dhe është larguar me shpejtësi duke rrezikuar jetën e punonjësve të Policisë.
Pas disa minuta ndjekjeje nga ana e Policisë, është bërë i mundur bllokimi i mjetit dhe ndalimi i drejtuesit të tij, i cili është i shoqëruar në ambientet e Drejtorisë Vendore të Policisë Tiranë.
“Policia ka sekuestruar në cilësinë e provës materiale 1 kilogramë e 128 gramë lëndë narkotike të dyshuar kokainë dhe ka shoqëruar disa persona”, thuhet ne njoftim.
Ndërkohë për incidentin me gazetarin e Neës24, policia thotë: Nga ana e Standardeve Profesionale në Drejtorinë e Përgjithshme të Policisë së Shtetit është duke u verifikuar respektimi i proceduarave gjatë ndërhyrjes në operacion, si dhe lidhur me incidentin e ndodhur me gazetarin e TV News 24, z.Ergys Gjençaj.
LEXO EDHE:
NDIQE LIVE "PANORAMA TV" © Panorama.al
