Kokaina rekord/ Berisha nxjerr emrin: Xhafaj, thikë pas shpine Ramës. Ja kush e detyroi ministrin të…

SHPËRNDAJE

Ish-kryeministri Sali Berisha i kthehet serish sot kapjes se sasise rekord te kokaines ne Durres, ardhur nga Kolumbia me ngarkesen me banane. Sipas Berishes, e gjitha ishte nje thike pas shpine e ministrit Xhafaj per Edi dhe Olsi Ramen. Por, Berisha nxjerr emrin e zyrtarit qe e detyroi Xhafajn te ‘te lepinte ate qe kishte peshtyre ne mengjes, te shkelmonte mbi veten e tij, por tashme jo per lekuren e Edvinit dhe Olsit por per lekuren Agronit dhe Fatziut’.

berisha_1519157066-3450795

Postimi i Berishes

Thika mbas shpine e Xhafes per Edi dhe Olsi Ramen!

Te dashur miq, me 27 shkurt, apo siç po e quajne tani rendome ‘diten e droges madhe’, perveç deshtimit te policise per te fshehur dhe grabitur ngarkesen e droges per llogari te Edi dhe Olsi Rames dhe zbulimit vetem nga skaneri te sasise me te madhe te droges te kapur ndonjehere ne Shqiperi, ndodhi dhe diçka tjeter qe nuk ka ndodhur ndonjehere ne 27 vite.

Ministri i Brendshem Fatmir Xhafa, ne harkun e shkurter kohor prej disa oresh beri dy deklarata thelbesisht te kunderta njera me tjeteren lidhur me megaaferen e droges ne portin e Durresit. Ndaj dhe per te kuptuar te verteten e zbulimit te sasise me te madhe te kokaines ne historine e vendit, deshtimin e klaneve politike per te rrembyer ngarkesen e droges, te cilen e mbajten per kete qellim 9 dite ne kalaten e portit, dhe prishjen e hetimeve nga policia e shtetit me urdher te Rames, eshte e domosdoshme te shtrojme per pergjigje disa pyetje thelbesore:

Pse Fatmir Xhafa deklaroi ne mengjesin e dates 27 shkurt se operacioni i kapjes se droges ne Durres u krye me sukses nga policia e shtetit, doganat tona ne bashkepunim me partneret nderkombetar?

Si e detyoroi Edi Rama Fatmir Xhafen te deklaroje mbasditen e dates 27 shkurt te kunderten e asaj qe kishte deklaruar po ate dite ne mengjes per ‘Xibraken bis’?

Cili ishte zyrtari shqiptar apo i huaj qe “ndermjetesoi” me sukses dhe “bindi” Xhafen pas largimit nga kryeministria te terhiqej nga doreheqja dhe te shkelmonte mbi veten e tij?

Per nje pergjigje te ketyre pyetjeve ne duhet te ndjekim pak kronologjine e zhvillimeve te dites se droges se madhe!

Ne mengjesin e 27 shkurtit, pas zbulimit nga skaneri te ngarkeses se 613 kg kokaine ne konteinerin me banane, gje qe shenoi dhe fundin e perpjekjeve 9 ditore per te fshehur, plackitur ose kaluar pa u kapur 180 milione euro ngarkese droge per llogari te klanit Rama, ministri Xhafa, si burimi me i besueshem dhe me autoritativ i fushes per vendin dhe te huajt, u deklaroi nga Durresi shqiptareve dhe botes se operacioni ishte frut i nje bashkepunimi te suksesshem te policise se shtetit, doganave me partneret tane nderkombetar.

Shtoj ketu se, ne Shqiperi, persa i perket krimit dhe droges, ministri brendshem eshte zyrtari me i informuar, me kompetent dhe pakundershtueshem krahasuar me çdo zyrtar tjeter te vendit, perfshire ketu dhe kryeministrine. Kjo sepse ai eshte i vetmi zyrtar qe me ligj disponon te gjithe informacionet e sherbimeve inteligjente te shtetit, te Ministrise se Brendshme dhe policise kriminale per krimin dhe trafiqet si dhe te gjitha informacionet qe vendet partnere dergojne ne Shqiperi per keto çeshtje.

Keshtu qe Xhafa, me kete deklarate, tha vetem te verteten, te cilen e konfirmuan me vone disa burime te pavarura nderkombetare. Por nga ana tjeter, me kete deklarate ai me qellim i futi nje thike pas shpine Edi dhe Olsi Rames dhe sikunder do ta shohim me poshte ai njekohesisht vuri ne tepsi koken e tij si minister.

Kjo sepse me kete deklarate Xhafa pohoi se:
– drogen e kapem ne Durres pasi ishim te informuar me kohe nga sherbimet partnere per ardhjen e saj, dhe se
– policia shqiptare, me menyren si vepro, me qellim prishi hetimin rreth klanit politik te niveleve me te larta si te ‘Xibrakes 1’, qe kishte dhene garancite per per hyrjen dhe kalimin e ngarkeses se kokaines ne Durres pa i hyre ferra ne kembe, dhe, po njolloj si ne ‘Xibraken 1’, u njoftua dhe pritesi i droges Cekaj qe ai te largohej nga Shqiperia.

Me keto nenkuptime te pamohueshme, deklarata e Xhafes ishte vertet thike pas shpine fatale per Edi Ramen, i cili, edhe ne kete rast, para shqiptareve dhe botes po perserist plotesisht ‘Xibraken 1’! Edhe ne kete rast Rama prishi hetimet njelloj si ne rastin e Xibrakes.

Keshtu, doli qarte se ne Durres u perdor skenari i ‘Xibrakes 1’, pra fshehja e klanit politik qe kishte dhene garancite per hyrjen me sukses te droges dhe fabrikes se saj ne Xibrake dhe, pas zbulimit te kesaj fabrike ne Xibrake, largimin e kryesorit “teknik” te rrjetit te narkotrafikut, Genti Xhixhes nga Olsi Rama jashte vendi.

Ne kete situate dramatike akuzuese per Edi Ramen kishte vetem nje rruge; te mashtronte cilindo qe mund ta besonte duke mohuar kategorikisht se kishte ardhur informacion paraprak nga partneret per ngarkesen e droges. Keshtu qe vetkuptohet se zbulimi i saj nga policia dhe doganat ishte thjeshte nje aksident.

Me keto mohime, dhe duke paraqitur aferen si zbulim aksidental te droges nga policia dhe dogana shqiptare, vetkuptohet qe dhe hetimet u prishen jo me qellim por aksidentalisht. Kjo ishte menyra absolutisht e vetme per te maskuar sadopak prishjen e qellimshme te hetimeve. Por pengesa me kryesore per kete version ishte deklarata e Xhafes, ne te cilen ai kishte thene se patneret nderkombetar kishin informuar paraprakisht per ngarkesen e 613 kg kokaine qe ishte nisur nga Kolumbia ne Durres. Prandaj ai duhej me se pari te detyronte me çdo kusht Xhafen te mohonte, pergenjeshtronte ate qe kishte thene ne mengjes. Por ne te vertet, perseri pas deklarates se Xhafes ne mengjesin e dt 27 shkurt, kjo perpjekje ishte njelloj si te laje m… me sh…!

Xhafa, deklaraten e mengjesit nuk e kishte bere rastesisisht. Ai me qellim kishte thene te verteten. Xhafa me kete deklarate deshmonte se droga u njoftua nga partneret dhe se per rrjedhoje hetimet u prishen qellimisht. Rama, duke njohur karakterin dinak te Xhafes, u terbua edhe me shume nga deklarata. Ai ishte i bindur se Xhafa e beri deklaraten edhe per tu treguar partnereve dhe shqiptareve se, jo vetem u prishen hetimet por indirekt vetkuptohet se ai dhe vella Agroni ishin duar jashte, pra nuk kishin lidhje me ngarkesen e madhe te droges dhe, vetkuptohet qe klani garantues i 180 milion euro droge nuk mund te ishte kush tjeter perveç klanit Edi – Olsi Rama.

Prandaj dhe i terbuar Rama therret me urgjence ne takim Xhafen ne Kryeministri dhe i kerkon atij te pergenjeshtroje menjehere deklaraten e megjesit dhe te deklaroje se operacioni i zbulimit te droges ishte veper vetem e policise se shtetit dhe drejtorise doganore pa asnje njoftim apo bashkepunim me partneret.

Kete kerkese ultimative te Rames, Xhafa e refuzoi ne menyre kategorike dhe i kerkoi Rames qe ai ta bente vete po te donte nje deklarate te tille. Pas debatesh tejet te ashpra dhe kercenimesh te egra, Rama i kerkon ne menyre ultimative Xhafes deklaraten ose doreheqjen. Xhafa i pergjigjet se ai do jape doreheqjen dhe largohet menjeher me per ne zyren e tij per te formuluar kerkesen per doreheqje.

Menjehere pas kesaj perplasje, Rama beri deklaraten e tij, ne te cilen konsideronte operacionin e kapjes se droges ne Durres si sukses ekskluziv te policise dhe doganes shqiptare. Nderkohe ai nisi ne ministri te brendshme tek Xhafa famozin Don Agaçio, i cili kishte qene avokat ne çeshtjen e trafikut te droges te Agron Xhafes ne Itali. Don Agaçio, mik intim i familjes Xhafa, u nis me ultimatumin, sipas te cilit Xhafa kishte gjithesej 60 minuta afat per te pergenjeshtruar deklaraten e mengjesit dhe perseritur deklaraten e Rames.
Ne rast te kundert Xhafa te perballej me:

1- shkarkimin e menjehershem nga Minister i Brendshem pra nuk do pranohej doreheqja dhe
2- arrestimin dhe dergimin me procedure te shpejtuar te vellait Agron per te vuajtur 14 vitet e denimit ne Itali, te dhena nga gjykata supreme e Republikes Italiane, etj, etj…

Keshtu qe, jo Rama por Don Agaçio, njeriu qe dinte gjthçka per dosjen e Agron Xhafes, e “bindi” Fatziun te lepinte ate qe kishte peshtyre ne mengjes, te shkelmonte mbi veten e tij, por tashme jo per lekuren e Edvinit dhe Olsit por per lekuren Agronit dhe Fatziut duke perseritur si skllav mjeran deklaraten mashtrim qe Rama kishte bere nje ore me pare se operaconi ‘Xibraka 2’ ishte veper ekskluzive e narkopolicise dhe narkodoganes shqiptare! sb

 

Te lidhura

 

Artikulli paraprakKategoria e Dytë, Grupi B/ Elbasani dhe Oriku nuk ndalen, Albpetroli triumfon jashtë fushe
Artikulli tjetërKategoria e Dytë, Grupi A/ Java e 17-të për rekord, shënohen 26 gola në 5 ndeshje

1 KOMENT

  1. Fatkeqësisht jeni vite dritë larg këtij njeriu të jashtzakonshëm me emrin Sali Berisha .
    Nuk keni arritur dot ta konceptoni , se pas 90-tës , asnjë politikan nuk ka qenë e nuk është , por besoj se edhe nuk do ketë për së afri , intelektin e ketij njeriu . Asnjëherë nuk ka godit me plagos apo vra vetëm një zog . Madje edhe kur ka shti sot , ka qenë plotësisht i bindur e i vetëdijshëm , se çfarë , kur dhe ku do rrafshonte goditja e tij edhe pas disa vjetësh si dhe pasojat .
    Vëllavrasjet dhe sherret ku e ka futur këtë vend e këtë popull , as pas 100 vjetësh nuk do mund të rregullohen e shuhen dot .
    Sali Berisha është njeriu politikan , i cili , si ai askush është përpjekur dhe ka luftuar shumë për të zotëruar e pastaj përdorur informacion të thellë e të gjithanshëm , sa që edhe SHIK-u i Fatos Klosit do ta kishte zili .
    Ka qenë dhe është politikani i vetëm , që u fut në betejën politike me një prapavijë logjistike mbështetëse të jashtëzakonshme e mjaft solide , të cilën të tjerët as nuk arrijnë ta konceptojnë , por ai e ka shfrytëzuar me efiçencën maksimale .
    Nuk gjindet njeri e politikan si ai , me aftësi të jashtzakonshme për të ruajtur momentin , për të kapur momentin e për të shfrytëzuar momentin në gjithë veprimet e mosveprimet që ka bërë .
    Shumë politikanë na erdhën e vazhdojnë të jenë nga radhët e artistëve e aktorëve , madje dhe me emër . Më vjen keq , por , për nga mjeshtria e lojës , Sali Berisha mund të cilësohet Rektori Honoris Causa i të gjithëve .
    FATKEQESISHT . FATKEQESISHT .
    Të gjitha këto veti të jashtzakonshme i përdori vetëm për interesa të veta , të familjes së vet dhe për të zezat që i punoi e vazhdon t'i punojë Shqipërisë , Kosovës e krejt kombit shqiptar .
    E në gjithë këtë veprimtari antikombëtare është mjaft konseguent . Kështu është mbrujtur dhe prandaj është zgjedhur dhe mbështetet .
    Hajde gjeje ç'farë emri t'i vendosësh këtij gjeniu të mbrapshtë .
    Nëse do kisha mundësi të ngrija një shtatore djalli në një nga qendrat e Tiranës , për ta bërë më të vizitueshmen jo vetëm nga shqiptarët por nga gjithë bota , aq sa asnjë përmendore e përbotëshme , do ta realizoja DJALLIN me brirët , cfurkun ( hellin ) në dorë dhe , në ngjyrimet flakëruese të kësaj figure , ashtu siç gjithmonë e kemi pasqyruar e përfytyruar , por me veçantinë e përbotëshme, me fytyrën e Sali Berishës .
    Për nga personifikimi i plotë dhe i përsosur , nuk gjindet figurë e dytë .
    Vetëm kështu , ky njeri do të jetë i pa vdekshëm përgjithmonë , ashtu siç ai dëshiron dhe , i urryer në maksimum përgjithmonë ashtu siç shqiptarët e ndjejnë dhe e dëshirojnë .
    Vetëm nga kurioziteti me pa këtë shtatore , Tirana e Erionit do bëhet qendra më e madhe e peligrinazhit në botë . Ajo shtatore do mbledhë ç’do ditë të vitit turistë sa gjithë Ballkani sëbashku , ndoshta edhe më shumë .

Comments are closed.