Maxhoranca ka miratuar dje ndryshimet e reja në Kodin Rrugor, në të cilin shkelja e semaforit do të ndëshkohet me 20 deri në 30 mijë lekë gjobë. Kodi Rrugor u miratua dje me 84 vota pro dhe asnjë kundër.
Gjatë seancës, maxhoranca është tërhequr nga propozimi i socialistit Artan Gaçi, sipas të cilit do të ndaloheshin për t’u regjistruar në Shqipëri makinat me timon në krahun e djathtë ose siç njihen ndryshe automjetet me “timon anglez”. Tërheqja erdhi për shkak se ministri i Transporteve, Edmond Haxhinasto, kërkoi që neni i propozuar të ishte specifik dhe të mos penalizonte importin e makinave me timon në krah të djathtë.
Kjo kërkesë e Haxhinastos u mor parasysh nga kreu i Komisionit të Veprimtarisë, i cili kërkoi që propozimi të kalojë sërish në Kuvend për t’u riparë dhe duke u shtyrë në kohë. Po ashtu, një tjetër propozim i shtyrë ishte ai për të liberalizuar certifikimin teknik të automjeteve, që sipas propozimit mund të realizohej dhe pranë koncesionarëve apo subjekteve të licencuara
NDIQE LIVE "PANORAMA TV" © Panorama.al
