Prokurorja e Përgjithshme Arta Marku, ka reaguar pas kërkesës së KLP-së, për nisjen e një hetimi disiplinor ndaj prokurorit Arjan Ndoji, të cilit vetëm pak dite më parë iu be atentat në mbikalimin e Shkozetit.
Në një njoftim për mediat, Prokuroria e Përgjithshme bën me dije se ka nisur verifikimi i fakteve për rastin e prokurorit Arjan Ndoja.
“Prokurori i Përgjithshëm znj. Arta Marku prej ditës së djeshme dt 05.11.2019 ka filluar verifikimin e fakteve të bëra publike në rastin e prokurorit Arjan Ndoja. Verifikimet konsistojnë në mbledhjen e të dhënave për shkeljen e rregullave të papajtueshmërisë me funksionin e magjistratit, parashikuar në nenin 103 shkronja “a” të ligjit 96/2016 “Për statusin e gjyqtarëve dhe prokurorëve në Republikën e Shqipërisë’”, thuhet në njoftimin e Prokurorisë.
KLP kërkoi nisjen e një hetimi disiplinor ndaj prokurorit Arjan Ndoji, pasi ky i fundit deklaroi dje në media se drejton edhe një studio ligjore, ku ofron konsulencë për çështje të ndryshme.
NDIQE LIVE "PANORAMA TV" © Panorama.al
