Anastasiya Dobrovolskaya është një fotografe portretesh që tregon njerëzit dhe kafshët në një mënyrë shumë të ndjeshme. Siç thotë ajo: “Unë përpiqem të tregoj bukurinë e jashtme dhe të brendshme të njerëzve dhe të kafshëve, si dhe të theksoj veçantinë, thellësinë dhe individualitetin e tyre. Ëndërroj që çdo person që ka një pamje të pazakontë të besojë në bukurinë e tij.”
“Bright Side” ndan me të gjithë punën e saj madhështore
Ajo mësoi për fotografinë që në moshë të re.
Pasioni i Anastasiya për fotografinë fillon që në fëmijëri. Stërgjyshi i saj ishte fotograf dhe ai ua trashëgoi dashurinë brezave të mëvonshëm, duke arritur tek ajo dhe motra e saj. Anastasiya ka bërë fotografi që kur ishte fëmijë. Në atë kohë, ajo nuk kishte në plan ta bënte fotografinë profesionin e saj.
Në ditëlindjen e saj të 20-të, prindërit i blenë një aparat fotografik, të cilin ajo e përdori për të fotografuar gjithçka përreth saj. Disa vjet më vonë, ajo mori një aparat fotografik më profesional në mënyrë që të mund të bënte foto makro. Siç thotë ajo, “Doja të rrija me orë të tëra mbi një shtrat lulesh në park, duke pritur që një flutur e bukur të ulej në njërën prej tyre.”
Por fotografia ishte vetëm një hobi derisa ajo vendosi të linte punën për shkak të depresionit. Në fillim nuk ishte e lehtë, dhe ajo përfundoi duke u kthyer në punën e saj të vjetër. Përpjekja e saj e tretë për të qenë një fotografe profesioniste rezultoi e suksesshme në 2018.
Ajo ra në dashuri me fotografimin e portreteve kur po luftonte me depresionin.
Anastasiya, duke qenë vajza e 2 mjekëve, gjithmonë besonte se veprimtaria njerëzore duhet të sjellë disa përfitime. Megjithatë, ajo nuk mund të ndiqte të njëjtin profesion. Ajo vendosi të provonte fotografimin e portreteve kur po luftonte me depresionin dhe çrregullimin e saj me ankthin.
“Kam kuptuar që një foto nuk është thjesht një fotografi e bukur me një vajzë të bukur me një fustan. Ju në fakt mund t’i jepni disa kujtime punës tuaj,”- është shprehur ajo. Pasi zbuloi Dianën, një vajzë, ajo filloi të imagjinonte se me çfarë kafshe do të ishte më mirë për ta fotografuar. Para kësaj, ajo mësoi se si një vajzë shpëtoi një dhelpër nga një fabrikë lëkure. Dhe këto 2 ngjarje inicuan fillimin e projektit të saj ‘Bukuri Ndryshe’.
Një moment kryesor i atij projekti është fotosesioni që përfshiu shumë vajza. Pas fotosesionit, njëra nga nënat e vajzave telefonoi Anastasiya duke e falënderuar për punën e saj. Ajo tha “Nastya, pas xhirimit tuaj, Masha tha se ndihej e bukur për herë të parë në jetën e saj. Faleminderit. E gjithë familja po qan”.
Fotografitë e saj virale me dhelpra e shtynë që të linte punën e vjetër.
Anastasiya thotë se “ideja ime fillestare ishte të bëja një foto të një vajze bionde që mban një dhelpër në ngjyrë të hapur dhe një vajze me lëkurë të errët që mban një dhelpër në ngjyrë të errët“. Kjo i dukej mjaft e mërzitshme dhe kjo është arsyeja pse ajo vendosi të përziejë ngjyrat e dhelprave dhe gjithashtu të shtojë fustane. Ndërsa shumë njerëz mendojnë se kjo foto po përpiqet të promovojë ndalimin e përdorimit të leshit, ajo në të vërtetë manifeston barazi në kuptimin e saj më të thellë.
Siç thotë ajo, fotografia “tregon harmoni brenda një personi dhe barazi midis njerëzve të ndryshëm, pavarësisht nga pamja, mjedisi dhe bindjet e tyre“. Ngjyra e flokëve të modeleve simbolizon karakteristikat e tyre të jashtme. Ngjyra e veshjes së tyre tregon bindjet dhe vlerat e tyre, ndërsa dhelprat e tyre simbolizojnë mjedisin e tyre shoqëror.
Asaj i pëlqen të përputhë pamjen e një personi dhe të një kafshe.
Ajo beson se “nëse një kafshë mund të jetë aq shumë si një njeri, atëherë dëshirat dhe interesat e saj duhet të vlerësohen jo më pak se ato njerëzore.” Nga ana tjetër, vazhdon ajo,”nëse një person është aq shumë si një kafshë, ata nuk mund të konsiderohen të shëmtuar për shkak të ndonjë tipari specifik të pamjes së tyre.”
Anastasiya dëshiron që të bëjë të ditur se të gjitha kafshët që marrin pjesë në fotosesionet e saj i përkasin pronarëve të tyre të ligjshëm. Shumica e kafshëve të egra “u shpëtuan nga kushtet e këqija, nga fabrikat e gëzofit, ndërsa të tjerët u braktisën nga pronarët e tyre”. Asnjë kafshë nuk është duke u droguar. Të gjitha kafshët e mëdha «jetojnë në fshat, në zona të gjera dhe në dhoma të pajisura posaçërisht për ta».
Ajo fitoi një çmim për serinë e saj “Aliens”.
Anastasiya thotë: “Unë kurrë nuk kam aspiruar për çmime dhe tituj në fushën e fotografisë.” Ajo merr pjesë vetëm në “35 AWARDS” çdo vit nga zakoni. Në vitin 2020, fotografia e saj fitoi konkursin dhe u përfshi gjithashtu në 100 veprat më të mira të vitit. Përzgjedhja është bërë nga një total prej 419,000 imazhesh.
Në mendjen e saj, “të fitosh një konkurs fotografie është një kënaqësi, ndoshta një nder, por jo më shumë”. Arritja e vërtetë është kur puna e saj frymëzon njerëzit të ndalojnë blerjen e leshit ose kur sheh se si e rrit vetëvlerësimin e modeleve të saj.
Të gjitha veshjet janë bërë nga shoqja e saj.
Helena është stilistja personale e Anastasiya dhe është gjithashtu frymëzimi i saj. Ajo shpesh mund të shihet në shumë fotosesione duke pozuar si modele. Siç thekson Anastasiya, “rrobat zgjidhen gjithmonë në një mënyrë të tillë që të theksojnë, por jo të lënë në hije bukurinë e njeriut dhe kafshëve“.
Ajo synon të krijojë një ekspozitë me punën e saj.
Anastasiya do të dëshironte të kishte famë botërore për punën e saj. Ajo thotë: “Unë dua të shtyp një libër me fotot e mia, sepse shumë njerëz po pyesin.” Aspirata e saj është të jetë në kopertinën e “Vogue” me një nga vajzat nga projekti “Bukuri Ndryshe”.
