Mjeku Arjan Mezini i ftuar në emisionin ‘’Kjo Javë’’ të Nisida Tufës në News24 tha se çdo kontakt i afërt i rasteve me COVID-19 duhet të tamponuar, me apo pa simptoma qoftë ai.
Sipas Mezinit rastet e reja në Shqipëri duken se varen nga testimet, prandaj ato duhet të rriten 2-3 herë.
Ai shprehet si bindur se kjo është vala e parë e koronavirusit në Shqipëri, dhe jo ajo që kaloi në periudhën mars- prill, ndërkohë që tani Shqipëria po rikthehet aty ku ishte Europa 2 muaj më parë.
Ka persona që janë diagnostifikuar me COVID-19, madje janë shtruar, por familjarëve të tyre apo kontakteve të afërta nuk I bëhet tamponi thjesht dhe vetëm se janë asimptomatikë. Është në gjykimin tuaj i detyrueshëm tamponi tek këta?
Mendimi im, është që çdo kontakt I afërt duhet tamponuar. Sepse njerëzit thonë s’kam gjë dhe vijoj jetën. E kam dëgjuar që e ndjek Evropa këtë metodë, por Evropa ia ka izoluar vatrat, ne po kthehemi në kohën kur Europa kishte infeksion në mars- prill. Se ne ishim në ‘’Lock-Down’’ dhe sigurisht kishte më pak raste.
Ndërkohë që sot jemi në një po them, kjo është valë e parë. Sepse nuk patëm valë.”– tha Mezini.
NDIQE LIVE "PANORAMA TV" © Panorama.al