Kim Kardashian thuhet se po përpiqet ta shpëtojë martesën duke zgjidhur të gjitha problemet që ka me Kanye West.
Çifti zgjodhi Republikën Domenikane për të kaluar pushimet së bashku, teksa përpiqen të zgjidhin gjërat mes njëri-tjetrit.
Kim thuhet se është “e rraskapitur” nga drama me Kanye, i cili nuk heq dorë nga oferta presidenciale.
Një burim i tha “People” se, edhe pse Kim është e lodhur, fokusi kryesor i saj është të shpëtojë martesën 6-vjeçare për hir të fëmijëve.
“Ata vendosën të udhëtojnë së bashku në mënyrë që të kenë më shumë privatësi.”,- tha burimi.
“Mes fëmijëve, punës dhe përballjes me episodet bipolare të Kanye-t, ka qenë e vështirë për Kim që të mendojë qartë”,- shpjegoi ai.
Pavarësisht të gjithave, Kanye thuhet se nuk do të heqë dorë derisa të arrijë tek Shtëpia e Bardhë.
“Kanye e ka bërë të qartë që do të vazhdojë të konkurojë për president. Kim nuk është e lumtur për këtë, por ky nuk është fokusi i saj”,- tha burimi.
“Ajo thjesht dëshiron të bëjë atë që është më e mira për fëmijët. Dhe mendon se gjetja e një mënyre për ta shpëtuar martesën është më e mira për ta”,- përfundoi ai.
