“Këtu duan të më helmojnë”! Zbulohet letra e Millosheviç 1 ditë para vdekjes, drejtuar ministrit rus

Aug 9, 2018 | 18:07
SHPËRNDAJE

Avokati i Slobodan Millosheviç, zbuloi letrën e fundit të “kasapit të Ballkanit”, që Milosevic i dërgoi një ditë para vdekjes, ministrit të Jashtëm Rus Sergeji Lavrov.

Është e përjavshmja serbe Nedelnjik që ka publikuar tekstin nga një prej avokatëve më të mirë serbë që ka asistuar ish-presidentin serb, ndërkohë që përballej me akuzat për “krime kundër njerëzimit”. Sipas të përjavshmes serbe, Sllobodan Millosheviçi i ka shkruar një letër shefit të diplomacisë ruse, Sergej Lavrov, pikërisht për braktisjen që Moska i kishte bërë atij, duke e “shitur” tek perëndimorët sipas Sllobos.

Sloba

Avokati Zdenko Tomanoviç, duke folur për numrin e ri të revistës javore serbe, zbulon takimin e fundit me njeriun që mori përsipër rolin e kasapit të kroatëve, muslimanëve dhe shqiptarëve që jetonin në hapësirën e Jugosllavisë.

“Një ditë para se të gjendej i vdekur në qeli, Millosheviçi më kërkoi të shkoja më herët aty, mori një laps e letër dhe e shkroi me dorë. Më kërkoi më pas që ta dorëzoja në ambasadën ruse në Holandë, me kërkesën që ajo t’i dorëzohet ministrit rus, Sergei Lavrov. Në letër, ai u ankua se ai ishte duke u helmuar në Gjykatën e Hagës dhe i kërkoi Rusisë për ta mbrojtur dhe për të shpëtuar atë”, rrëfeu avokati.

Një ditë më pas, Millosheviçi u gjet i vdekur. Tomanoviç ishte i vetmi shtetas i Serbisë që e pa Millosheviçin e vdekur në qelinë e tij

“Nedelnjik” intervistoi Tomanoviçin pikërisht pas vrasjes së kolegut të tij, avokat Dragoslav Ognjanoviç – Misa.

Tomanoviç ishte qartësisht i zhgënjyer dhe dha dorëheqjen.

“Misa u vra vetëm për shkak se ai ishte një avokat. Dhe në këtë moment, kjo është e vetmja gjë e rëndësishme. Për fat të keq, elitat tona politike dhe mediatike janë të kriminalizuara.

Kjo krijon një atmosferë që relativizon rëndësinë e kësaj vrasjeje.

Të vrasësh një avokat vetëm për shkak se po bënte punën e tij shkon përtej forcës së të gjithë numrave që na ofrohen.

Barazia dhe siguria e çdo qytetari nuk sigurohet duke transferuar përgjegjësinë në disa kohë të kaluara”, tha ish-avokati i Millosheviçit, duke akuzuar egërsisht Beogradin se ka dorë jo vetëm në vrasjet e sotme që po ndodhin në kryeqytetins serb, por edhe në larjet e hesapeve në të kaluarën.

Në një intervistë të gjerë, Tomanoviç foli edhe për gjyqësorin në Serbi dhe të gjitha defektet e tij, ndikimin e politikës dhe medias mbi ligjin, mbrojtjen e Millosheviçit, lidhjen e mafias me politikën, por edhe me figura të njohura si Aleksandar Tijaniç dhe Bogdan Tirnaniç, Miroslav Mishkoviç, Milan Beko apo edhe Emir Kusturica.

Ish-avokati i Sllobodan Millosheviçit nuk ka folur shumë, por  a thënë aq sa për të shkaktuar një trazirë pikërisht në prag të evenimenteve të mëdha siç është marrëveshja për Kosovën.

“Sllobon e vranë”? Kush? “Nuk e di, por Rusia nuk e mbrojti”, thotë ai…

NDIQE LIVE "PANORAMA TV" © Panorama.al

Te lidhura