Për deklaratën e ish-zëdhënësit të Pentagonit, i cili e konsideroi Edi Ramën lider të korruptuar, ka ardhur dhe reagimi i Drejtorit për Marrëdhënien me Mediat të Kryeministrisë, Endri Fuga.
Në një koment të shkurt, Fuga e cilëson deklaratën e Gordon si “qesharake” duke thënë se Rama ka lidhje me korrupsionin po aq sa ka Trump me të vërtetën kur flet për myslimanët.
“Ç’reagim qesharak i trumpistit! Edi Rama me korrupsionin ka po aq lidhje sa ka Trumpi me të vërtetën kur flet për myslimanët”, shkruan Fuga.
Në komentin e tij për “Fox Business”, Gordon u shpreh se qëndrimi i Ramës ndaj Trump vjen e ndikuar nga lidhjet e tij me Xhorxh Soros dhe se Kryeministri shqiptar është lider i korruptuar.
NDIQE LIVE "PANORAMA TV" © Panorama.alÇ’reagim qesharak i trumpistit! Edi Rama me korrupsionin ka po aq lidhje sa ka Trumpi me te verteten kur flet per muslimanet ?
— Endri Fuga (@endrifuga) April 19, 2016