Kryeministri Edi Rama thotë se pyetësorët e Këshillimit Kombëtar të shpërndara me postë për qytetarët kanë kaluar numrin 1000.
Ndërsa ka kaluar mbi 36.000 numri i pyetësorëve të plotësuar online, bën me dije Rama.
Në një postim në rrjetet sociale, shefi i qeverisë i fton qytetarët të japin mendimin e tyre mbi pyetjet në Këshillimin Kombëtar, “si njerëz, për shtëpinë tonë Shqipërinë dhe le të marrim vendimet e duhura për të nesërmen, teksa politika zhurmon nga bravat, qysqitë, sharjet e përçarjet për llogari të atyre që nuk kanë më asgjë për t’i dhënë Shqipërisë”.
POSTIMI I PLOTE
?Kalon mbi 1000, numri i pyetësorëve të parë të kthyer me postë nga qytetarët e përfshirë në Këshillimin Kombëtar, ndërkohë që ka kaluar mbi 36.000 numri i pyetësorëve të plotësuar online në linkun …
Le të vazhdojmë të dëgjojmë njëri – tjetrin si shqiptarë, si qytetarë, si njerëz, për shtëpinë tonë Shqipërinë dhe le të marrim vendimet e duhura për të nesërmen, teksa politika zhurmon nga bravat, qysqitë, sharjet e përçarjet për llogari të atyre që nuk kanë më asgjë për t’i dhënë Shqipërisë?
