Djali i ish-kryeministrit Sali Berisha, Shkëlzeni feston sot ditëlindjen. Dhe në këtë ditë të veçantë për të nuk mund të mungonte urimi i partneres së tij, Armina Mevlani.
Blogerja e njohur i bëri një dedikim romantik në rrjetet sociale ku i shpreh dashurinë mikut të saj më të mirë.
Armina publikoi disa foto duke vallëzuar me Shkëlzenin dhe i kërkoi që të kërcenin së bashku gjithë jetën.
“Gëzuar ditëlindjen dashuria ime, partneri dhe miku më i mirë! Data e lindjes tënde do të jetë gjithmonë e veçantë për mua. Le të vallëzojmë gjithmonë kështu si valsi i jetës… plot ëndrra, plot dashuri dhe të lumtur,”- shkroi ajo.
Dhe padyshim që përgjigja e tij ishte pozitive.
“Kërce me mua deri në fundin e dashurisë,”– i komentoi Shkëlzeni.
Armina ndau në InstaStory edhe një moment nga surpriza e përgatitur për partnerin e saj.
Ajo postoi një foto ku shihet një dhomë e mbushur me zbukurime.
NDIQE LIVE "PANORAMA TV" © Panorama.al