“Kemi korrupsionin më të lartë në Evropë”- Vasili reagon pas raportit të “World Justice Project”: Jemi në krah të Afganistanit dhe Mozambikut për kapjen e shtetit

Oct 16, 2021 | 13:51
SHPËRNDAJE

Nënkryetari i Lëvizjes Socialiste për Integrim, Petrit Vasili, ka reaguar në lidhje me raportin e “World Justice Project”, në të cilin theksohet se Shqipëria është përkeqësuar në pikëpamjen e korrupsionit dhe kapjes së shtetit.

auto_Petrit-Vasili_51544790312

Vasili shprehet se Shqipëria ka shkuar nga vendi i 93-të, në vendin 105-të, për sa i përket preceptimit mbi korrupsionin, duke u renditur në këtë mënyrë vendi me korrupsionin më të lartë në rajon dhe në Evropë.

Gjithashtu nënkryetari i LSI-së thekson se përkeqësimi është pasqyruar edhe në lidhje me treguesit e kapjes së shtetit, çka dëshmon sipas tij pazarin me reformën në drejtësi, dhe sigurimin e pandëshkueshmërisë për eksponentët e majtë.

Reagimi i plotë

Kapja e shtetit dhe degradimi i drejtesise ortakët e medhenj te korrupsionit dhe narkoshtetit!

Kapja e shtetit dhe kapja e degradimi i drejtesise nga qeveria jane metastazat e kancerit te qeverisjes mafioze ne Shqiperi.

Nje pushtet i paafte, por mafioz dhe i paskrupullt ne shitjen e cdo interesi publik perfshire dhe kufijte e vendit ka sjelle nje rrenim ekonomik, social dhe politik qe çon drejt nje korrupsioni te pandalshem qe shton varferine dhe mjerimin qe largon mijra shqiptare nga vendi.

“World Justice Project” tregon qarte se Shqipëria ka një renditje shume negative në treguesin e korrupsionit, ku është në vendin e 105 duke u përkeqësuar në raport me vitet e mëparshme kur ishte në vend të 93 dhe më pas 103, Shqipëria perceptohet që ka korrupsionin më të lartë në Europë dhe rajon.

Shqipëria ka bërë një përkeqësim të dukshëm edhe në treguesin e kufizimit në fuqinë e qeverisë, ku renditet në vendin e 109, nga pozicioni i 79 në raportin e 2018-2019, duke u pozicionuar krah shteteve si Afganistani, Mozambiku, Uganda, Kazakistani etj.

Sipas Bankes Boterore dhe BERZH Shqiperia eshte e dyta ne bote per nivelin e korrupsionit pas Zambias.

Çmontimi i kapjes se shtetit eshte kryeçeshtje, çdo proritet i sajuar artificial vetem legjitimon kapjen!

Kapja e shtetit ku eshte rrembyer nga rilindja drejtesia e barazia para ligjit, ku jane rrembyer zgjedhjet e lira dhe ku eshte futur ne kthetra nga rilindja edhe ekonomia, jane tre kembet e kriminalizimit rilindas te Shqiperise.

Perballja me Kapjen e Shtetit eshte guri i proves dhe vija e ndarjes per nje opozite te vertete, qe perballet deri ne fund dhe nuk terhiqet ne betejen per cmontimin e kapjes rilindase, qe ka shitur interesat kombetare dhe ato individuale te cdo qytetari.

Asnje pseudoprioritet nuk e perligj dot anashkalimin e kesaj beteje, fitorja e se ciles do te thote mbrojtje e sovranitetit te Shqiperise te rrezikuar si kurre me pare ne 100 vjetet e fundit.

Kapja e Drejtesise nga rilindja dhe kolapsi total i sistemit te drejtesise, qe kane siguruar pandeshkueshmerine totale te rilindjes jane Fakte.

Kapja e drejtesise nga rilindja dhe pandeshkueshmeria e saj jane Fakt real dhe i padiskutueshem e ku ceshtjet e Teatrit, Inceneratoret,Afera e Portit te Durresit dhe ceshtja Beccheti, ku drejtesia e kapur nuk vepron, jane prova tronditese te rrembimit te Drejtesise nga rilindja.

Reformen e kapur ne Drejtesi nuk e shpetojne pazaret, por hetimi deri ne fund dhe nxjerrja e ndeshkimi i pergjegjesve te kapjes se saj.

Çdo pazar me Reformen ne Drejtesi vetem legjitimon kapjen perfundimtare te saj dhe asgjesimin e shtetit te se drejtes.

Çdo pazar me reformen ne Drejtesi eshte ortakeri me krimin shteteror te Rames dhe rilindjes.

Kapja e shtetit nga Rama dhe rilindja do te thote shkaterrimi i demokracise, i thelbit te pluralizmit, qe siguron balancen dhe kontrollin dhe i çdo vlere tjeter qe do ti bente shqiptaret te ndiheshin mire ne atdheun e tyre.

Çdo lufte opozitare fillon nga këtu!

Pa luftuar me çdo kusht dhe sakrifice kapjen, çdo hap i metejshem eshte varrosje e çdo mundesie per nje demokraci te vertete dhe funksionimit te parlamentarizmit, per barazi perpara drejtesise, per treg te lire dhe konkurence te ndershme ne Shqiperi.

NDIQE LIVE "PANORAMA TV" © Panorama.al

Te lidhura