UPDATE/ Komisioni Qendror i Zgjedhjeve ka rrëzuar ankesat e kandidatit të pavarur, por të mbështetur nga PD-ja për Këlcyrën, Bujar Fezga.
Ky i fundit kishte bërë dy kërkesa në KQZ për zgjedhjet në Këlcyrë. Ai pretendonte se ishte manipuluar procesi i votimit dhe kishte kërkuar pavlefshmëri dhe rinumërim të votave.
Mirëpo, KQZ-ja me 4 vota pro dhe 3 kundër i rrëzoi kërkesat e Fezgës, duke lënë në fuqi vendimin e KZAZ-së.
Gjithashtu, në një mbledhje të mëparshme, KQZ-ja ka rrëzuar edhe kërkesën për anulimin e zgjedhjeve në Pukë, e kërkuar nga PDS dhe PKD. Ndërsa vendimi për Vorën është shtyrë për mbledhjen e nesërme.
***
Komisioni Qendror i Zgjedhjeve shqyrton kërkesën ankimore të kandidatit të pavarur Bujar Fezga, por të mbështetur nga PD-ja, që rezultoi humbës në zgjedhjet e 21 qershorit.
Në mbledhjen e sotme, përfaqësuesi ligjor i PD-së, Ivi Kaso ka numëruar parregullsitë që janë regjistruar në zgjedhjet për bashkinë e Këlcyrës.
Sipas tij, ato kanë shënuar shumë parregullsi, manipulime, dhunim vëzhguesi, persona të vdekur në listën e zgjedhësve e kështu me radhë.
Kelcyren e fitoi kandidati i majte Klement Ndoni me 2415 vota, nderkohe qe Fezga mori 2264 vota. Demokratët tërhoqën vetem pak kohe para gares kandidaturen e tyre Gentian Muhametajn, për të cilin thanë se kishte dyshime që është i inkriminuar.
NDIQE LIVE "PANORAMA TV" © Panorama.al
