Kupa e Botës në Futboll “Katar 2022” duhet të zhvillohet në nëntor dhe dhjetor, ka rekomanduar një grup pune i posaçëm i FIFA-s. Zyrtarët kryesorë të futbollit u takuan në Doha për të diskutuar një numër të propozimeve, mes diskutimeve dhe frikës se nëse eventi do të mbahej në verë do të rrezikonte shëndetin e lojtarëve dhe tifozëve.
Temperaturat e Katarit në qershor dhe korrik mund të kalojnë 40 gradë celsius.
Shefi i Task-Forcë Sheikh Salman bin Ebrahim Al-Khalifa gjithashtu rekomandoi që turneu i vitit 2022 duhet të shkurtohet me disa ditë. Por nuk ka plane për të zvogëluar madhësinë e turneut nga 32 ekipe ose 64 ndeshje.
Rekomandimi pritet të ratifikohet nga komiteti ekzekutiv i FIFA-s muajin e ardhshëm, raporton BBC.
NDIQE LIVE "PANORAMA TV" © Panorama.al
