Dy shtetas grekë janë arrestuar nga policia e Igumenicës, pasi u kapën me një sasi prej 72 kg kanabis.
Sipas mediave greke, dyshohet se lënda narkotike vinte nga Shqipëria dhe po transportohej me një makinë.
Po sipas mediave, droga u kap ditën e festës së Greqisë, kur dy personat greke e morën drogën nga bashkëpunëtorët e tyre shqiptarë, me të cilët u takuan në një shteg të pakalueshëm, ku në vitin 1940 ishin shtypur forcat italiane.
Droga ishte e ndarë në 25 pako me peshë totale 72 kg e 300 gram.
Policia sekuestroi sasinë e drogës, ndërsa dy të arrestuarit iu dorëzuan autoriteteve.
NDIQE LIVE "PANORAMA TV" © Panorama.al
