Lëvizte në mesin e udhëtarëve sikur asgjë nuk kishte ndodhur, duke u futur mes çantave dhe valixheve të tyre. Vëzhgonte lëvizjet e tyre kur bënin “check in”. Sapo zgjidhte viktimën, ishte edhe momenti më i mirë për t’i vjedhur bagazhin. Pastaj me qetësi largohej.
Megjithatë, policia kufitare në Fiumicino arriti të kapte hajdutin e valixheve dhe ta arrestonte atë, raporton “La Republica”. Bëhet fjalë për një shtetas nga Venezuela, 55 vjeç.
Hetimet nisen pas ankesave të shumta nga pasagjerët. 55-vjeçari mund të dëbohet përfundimisht nga Italia.
NDIQE LIVE "PANORAMA TV" © Panorama.al
