Kur kanë mbetur më pak se një javë nga zhvillimi i zgjedhjeve, situata në Berat mbrëmjen e sotme është shoqëruar me tension.
Kandidati për deputeti i Partisë Demokratike, Tomor Alizoti dhe mbështetësit e kësaj partie, kanë konstatuar dhe bllokuar një furgon ku do të shpërndaheshin ushqime në këmbim të votave.
Në pamjet e shpërndara, Alizoti tenton të hapë furgonin ndërsa mbështetës të PD-së e mbajnë atë të rrethuar.
“Brenda ka karta ID dhe një mall nga rezervat e shtetit. Furgoni është kapur në orën 9 e ca duke shpërndarë ndihma. Policia nuk po sjell oficerin gjyqësor, që të bëjë kontrollin, do ta shoqërojë me shoferin që është brenda.
Ata dyshohet se kanë karta ID, mund ti fshehin, shpërndajnë ndihma dhe na fshihen gjurmët. Policia ruan furgonin dhe mesazhet janë fshirë. Joana Melëngu anëtare e ZAZ, kryetare e rajonit nr. 2 e PS-së në mes të natës më një furgon me ndihma të rezervës së shtetit.
Furgoni u mbush në magazinat e bashkisë. Pse duhet një anëtare e ZAZ-së që të shpërndajë ndihma? Përse? Policia nuk bën asnjë veprim. Askush nuk do të prekë votën e demokratëve shqiptarë. Dua që Shqipëria të ketë një ditë demokraci, se këtij populli po i del shpirti. Ky është një krim elektoral dhe përgjegjësit do të përballen me ligjin”, tha më tej Alizoti.
Reagimi i Metës:
Bravo qytetarëve të Beratit!
Gjejini! Izolojini! Mos i toleroni!
Nuk ka patronazhist, fuks dhe bandit, që mund ta ndalë Ndryshimin e Madh më 25 Prill! 
“…Ngrehuni dhe bjeruni,
korini dhe shtypini,
katundar e punëtorë,
që nga Shkodra gjer në Vlorë!”
Me qetësi dhe vendosmëri drejt 25 Prillit!
NDIQE LIVE "PANORAMA TV" © Panorama.al
