Kamza ka arritur të marrë një fitore të rëndësishme ditën e sotme, në ndeshjen e javës së 17-të ndaj skuadrës së Laccit. Ekipi i Ndreut e nisi vrullshëm ndeshjen, teksa zhbllokoi rezultatin që në minutën e tretë, me Ymerajn.
Më pas, në vazhdimin e pjesës së parë Lacci u zgjua, por pa mundur të shënojë. Me fillimin e të dytës, ishte Rexhinaldo ai që barazoi shifrat pas një penalltie të dyshimtë të shkaktuar nga Frashëri.
Por, për vendasit mendoi i sapofuturi në lojë, Imeri. Në minutën e 74-të, ai shënoi një gol të bukur nga e majta e zonës, teksa i siguroi ekipit të tij tre pikë shumë të rëndësishme. Golin e tretë e shënoi edhe Mehmeti, në minutën e 93-të. Pas kësaj fitoreje, Kamza ngjitet në vendin e 4-t, me 26 pikë, ndërsa Lacci mbetet në vendin e tretë, me 27 pikë.
Kamza 3-1 Laçi
Golat: Ymeraj 3′, Imeri 74′, Mehmeti 93′ / Rexhinaldo 57′
LIVE
Mbyllet sfida. Kamza 3-1 Laçi
93’ Kamza shënon edhe golin e tretë. Mehmeti shënon golin e tretë.
84’ Plaku kërkon mrekullinë, teksa provon të shënojë me rofeshatë nga hyrja e zonës, por koordinimi nuk është i duhuri.
81’ Jonuzi godet menjëherë nga goditja e dënimit, por topi drejt e në duart e Gjonikajt,
80’ Zëvendësimi i dytë për Kamzën. Në lojë hidhet Rezi, largohet Hektor Idrizaj.
74’ Kamza shënon golin e dytë. Plaku harkon një top të bukur në zonë, dhe është Imeri ai merr topin, dhe i vetëm në zonë, shënon një gol mjaft të bukur nga e majta e zonës.
70’ Largohet autori i golit për Kamzën, Ymeraj, në fushën e lojës Imeri.
67’ Vazhdim i aksionit, dhe Rexhinaldo harkon një top të bukur nga e majta e zonës, por Xhixha nuk shfrytëzon, duke e dërguar topin shumë sipër portës.
67’ Një harkim i gjatë në zonën e Kamzës, dhe Gjonikaj e ka të vështirë të devijojë topin.
61’ Shtubina i lë vendin Ardit Beqajt tek skuadra e Laçit.
58’ GOOOOL Laçi. Rexhinaldo nuk gabon nga pika e bardhë.
57’ Karton i verdhë për Frashërin, pasi shkaktoi penalltinë.
57’ Akordohet 11-metërsh në favor të Laçit, pas një rrëzimi të Gjonit në zonën e Kamzës.
49′ Dy ndëshkime të njëpasnjëshme tek Kamza dhe një tek Laçi. Ka nga një karton të verdhë për Zguron dhe Kuqin, ndërsa tek miqtë ndëshkohet Sefgjini pas një përplasje në fushën e lojës.
47’ Fukui ka rastin më të mirë për të dyfishuar, por topi i goditur prej tij në hyrje të zonës, përplaset në trupin e portierit Selmani.
46′ Mezani e nis me një zëvendësim. Futet në lojë Xhixha, është larguar Qaqi.
46′ Nis pjesa e dytë në Kamëz.
Mbyllet pjesa në parë në Kamëz.
45′ Arbitri i katërt akordon 2 minuta shtesë.
38’ Raçiç ndëshkohet me karton të verdhë për vendasit.
32’ Zguro shpërthen nga krahu i majtë, por Raçiç kontrollon shumë keq topin e marrë prej tij.
30’ Masato Fukui ndëshkohet me karton të verdhë, pas një ndërhyrje ndaj Shtubinës.
26’ Kallaku kroson bukur në zonë, por goditja e Nikës kalon shumë pranë portës së Gjonikajt.
11’ Fukui niset në një aksion të rrezikshëm drejt portës së Laçit, por krosimi i tij është i gabuar.
3’ Menjëherë në avantazh vendasit. Pas një topi në zonë, fillimish goditja e parë ndalet, ndërsa më pas është Ymeraj që godet saktë dhe mposht Laçin.
1′ Nis ndeshja.
FORMACIONET ZYRTARE
KAMZA: Gjonikaj, Frashëri, Kuqi, Lelis, Zguro, Arrabal, Ymeraj, Idrizaj, Fukui, Plaku, Raçiç. Trajner: Ramadan Ndreu
LAÇI: Selmani, Fangaj, Qaqi, Gjoni, Sefgjini, Jonuzi, Shtubina, Kallaku, Nika, Uzuni, Rexhinaldo. Trajner: Gentian Mezani
Gjyqtar: Andi Koçi
NDIQE LIVE "PANORAMA TV" © Panorama.al
