Emigrantët nga Siria dhe Iraku, të cilët gjendjen në kampin në Idomeni pranë kufirit greko-maqedonas po kalojnë një dramë të vërtetë.
Për të përshkruar atë që këta emigrantë po kalojnë mjafton një foto e vetme, e cila ka prekur zemrat e miliona njerëzve.
Në media ndërkombëtare është publikuar fotografia ku tregohet një fëmijë i porsalindur. Ai ka pak ditë që ka ardhur në këtë botë, ndoshta mund të ketë dhe vetëm disa orë.
Nëna e tij po e mban në duar, ndërsa babai po hedh ujë për ta larë edhe pse temperaturat janë të ulëta.
Në këtë kamp ndodhen rreth 14 mijë emigrantë, të cilët vuajnë çdo ditë për ushqim dhe ujë.
Situata është mjaft dramatike, ku refugjatët tashmë po rrezikojnë dhe jetën.
Reshjet e shiut e kanë përkeqësuar akoma edhe më shumë gjendjen duke bërë që ky vend të quhet “kampi i turpit për Greqinë dhe Evropën”.
Emigrantët që janë vendosur në këtë kamp thonë se po jetojnë një luftë të dytë.
