Kalon siten e vetingut Prokurorja Anila Leka, e cila është dhe kandidate për Këshillin e Lartë të Prokurorisë. Në seancën e dhenies se vendimit, është vetë subjekti për Vettingun, Anila Leka.
“Pasi shqyrtoi dokumentacionin dhe informacionin e marrë nga institucionet kompetente, pas hetimit administrativ bazuar në të tre kriteret e parashikuar nga ligji dhe pasi dëgjoi subjektin e rivlerësimit, vendosi, prokurorja e Prokurorisë së Përgjithshme, Anila Leka konfirmohet në detyrë”- tha kryetarja e komisionit.
Cfare ndodhi ne seancen degjimore
Anila Leka u shpreh se nuk ka asnjë kontestim për procedurën e hetimit administrativ.
Relatorja Suela Zhegu: ILDKPKI thotë se është në rregull nga ana e pasurisë. Nuk ka patur fshehje, as mos deklarim dha të ardhurash Ajo ka deklaruar apartament banimi 95 metra katrore në Tiranë të blerë për 35 mije euro. Ka një apartament në Golem 74 m katrore, 3 mln lekë. Bono thesari 3 mln lek dhe llogari llogari bankare.
Anila Leka: Procesi ka qenë transparent dhe profesional, nga ana juaj me është vënë në dispozicion një kopje e dosjes, nuk kam kontestime për relacionin dhe për procedurën. Kërkoj konfirmim në detyrë.
Pasi relatorja ka njohur subjektin Anila Leka me konkluzionet, seanca është ndërprerë dhe vendimi përfundimtar do jepet më 6 qershor ora 09:00.
Zbulohet skeda e pasurisë për prokuroren Anila Leka, përballet sot me Vettingun
Anila Leka është prokurore e Prokurorisë së Përgjithshme dhe kandidate për Këshillin e Lartë të Prokurorisë. Leka do të përballet me procesin e vetingut në një seancë publike sot, më 4 qershor, ndërkohë që Komisioni i Pavarur i Kualifikimit do të përfaqësohet nga Firdes Shuli, Roland Ilia dhe Suela Zhegu.
Prokurorja Anila Leka e ka filluar karrierën e saj në vitin 2004 dhe prej asaj kohe është subjekt i deklarimit të pasurisë në Inspektoriatin e Lartë të Deklarimit dhe Kontrollit të Pasurive, ILDKPKI. Prej vitesh në Prokurorinë e Përgjithshme, Leka ka punuar gjithashtu si eksperte në Shkollën e Magjistraturës.
Analiza e pasurisë është një ndër tre shtyllat e rivlerësimit për gjyqtarët, së bashku me kontrollin e figurës dhe vlerësimin e aftësive profesionale. Skeda grafike e mëposhtme paraqet ndryshimin e pasurisë së deklaruar të prokurores Anila Leka nga viti 2004 deri në fund të vitit 2016.
Ky raport është prodhuar nga BIRN pas administratimit të deklaratave të pasurisë së këtij subjekti nga Inspektoriatin i Lartë i Deklarimit dhe Kontrolli të Pasurive dhe Konfliktit të Interesit, ILDKPKI. Ai ka për qëllim bërjen e transparencës mbi pasurinë e gjyqtarëve dhe prokurorëve që i nënshtrohen procesit të vetingut.
Të dhënat e analizuara nga BIRN tregojnë që prokurorja e organit qendror të akuzës, Anila Leka zotëronte një pasuri familjare në vlerën e rreth 4 milionë lekëve në vitin 2004. Në fund të vitit 2016, pasuria e saj rezulton të jetë 10.4 milionë lekë ose 2.6 herë më e lartë se viti fillestar.
Të ardhurat kryesore të zonjës Leka përbëhen më shumë se 96 për qind nga paga prej funksionit. Të ardhurat nga interesat bankare përfaqësojnë 3.6 për qind të të ardhurave, të cilat kapin vlerën totale 21.5 milionë lekëve në 13 vitet e analizuara.
Asetet e zonjës Leka në fund të vitit 2016 ndahen në 6.2 milionë lekë në pasuri të paluajtshme, rreth 576 mijë lekë në kursime cash dhe 3.6 milionë lekë në likujditetet bankare.
Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin artimetik/logjik të deklarimeve të subjektit si dhe “flamujt e kuq’ që identifikohen gjatë kontrollit. Në rastin e zonjës Leka iu nënshtruan kontrollit aritmetik-logjik 13 deklarata pasurie dhe asnjëra prej tyre nuk rezulton me probleme.
Duke qënë se ky raport bazohet në të dhëna statistikore të analizuara nëpërmjet një databaze, ai nuk nxjerr përfundime mbi pasurinë e subjektit nëse ajo mbulohet me burime të ligjshme ose jo, por mëton të informojë publikun mbi pasurinë e deklaruar të zyrtarit publik nëpërmjet një formati të thjeshtë dhe të kuptueshëm grafik.
Deklarata e pasurisë për vitin 2004
Deklarata e pasurisë për vitin 2005
Deklarata e pasurisë për vitin 2006
Deklarata e pasurisë për vitin 2007
Deklarata e pasurisë për vitin 2008
Deklarata e pasurisë për vitin 2009
Deklarata e pasurisë për vitin 2010
Deklarata e pasurisë për vitin 2011
Deklarata e pasurisë për vitin 2012
Deklarata e pasurisë për vitin 2013
Deklarata e pasurisë për vitin 2014
Deklarata e pasurisë për vitin 2015
Deklarata e pasurisë për vitin 2016
Për më dokumente vizitoni databazën tonë dokumente.reporter.al
Marrë nga Reporter.al
NDIQE LIVE "PANORAMA TV" © Panorama.al