“Ka veti antikancerogjene”- Njihuni me efektet shëndetësore të orizit të zi

SHPËRNDAJE

Orizi i zi ësjtë burim i rëndësishëm për fibra, hekur dhe proteina. Në Kinën e lashtë, thuhet se orizi i zi konsiderohej aq unik dhe ushqyes, sa ishte i ndaluar për të gjithë, përveç familjes mbretërore. Më poshtë jepen edhe disa nga përfitimet e orizit të zi. 

orizizi-590x365

Burim i mirë i disa lëndëve ushqyese

Në krahasim me llojet e tjera të orizit, orizi i zi është i pasur me proteina. Gjithashtu, është një burim i mirë i hekurit, një mineral i cili është thelbësor për transportin e oksigjenit në të gjithë trupin tuaj.

I pasur me antioksidantë

Përveçse është një burim i mirë i proteinave, fibrave dhe hekurit, orizi i zi është veçanërisht i lartë në disa antioksidantë.  Antioksidantët janë përbërës që mbrojnë qelizat tuaja kundër stresit oksidativ, të shkaktuar nga molekulat e njohura si radikalë të lirë. Ata janë të rëndësishëm, pasi stresi oksidativ është shoqëruar me një rrezik të shtuar të disa gjendjeve kronike, duke përfshirë sëmundjen e zemrës, Alzheimerin dhe forma të caktuara të kancerit.

Pavarësisht se është më pak i popullarizuar nga varietetet e tjera të orizit, hulumtimi tregon se orizi i zi ka kapacitetin dhe aktivitetin më të lartë të antioksidanteve. Orizi i zi është zbuluar të përmbajë mbi 23 komponime bimore me veti antioksiduese, duke përfshirë disa lloje të flavonoideve dhe karotenoideve.

Prandaj, shtimi i orizit të zi në dietën tuaj mund të jetë një mënyrë e thjeshtë për të përfshirë më shumë antioksidantë mbrojtës ndaj sëmundjeve.

Mund të përmirësojë shëndetin e zemrës

Hulumtimi për efektet e orizit të zi në shëndetin e zemrës është i kufizuar. Sidoqoftë, shumë prej antioksidantëve të tij janë treguar se ndihmojnë në mbrojtjen nga sëmundjet e zemrës. Flavonoidet si ato që gjenden në orizin e zi, kanë treguar se ulin rrezikun e këtyre sëmundjeve.

Mund të ketë veti antikancerogjene

Antocianinat nga orizi i zi, mund të kenë gjithashtu veti të fuqishme antikancerogjene. Studimet kanë dalë në përfundimin se marrja më e lartë e ushqimeve të pasura me antocianin, ishte e lidhur me një rrezik më të ulët të kancerit kolorektal.

Përmirëson shikimin

Hulumtimet tregojnë se orizi i zi përmban sasi të larta të luteinit dhe zeaxanthinës, dy lloje karotenoidesh që janë të lidhura me shëndetin e syve. Këto komponime funksionojnë si antioksidantë për të ndihmuar në mbrojtjen e syve. Është vërtetuar se luteina dhe zeaxanthina ndihmojnë në mbrojtjen e retinës, duke filtruar valët e dëmshme të dritës blu.

Hulumtimet sugjerojnë që këta antioksidantë mund të luajnë një rol të rëndësishëm në mbrojtjen kundër degjenerimit makular të lidhur me moshën, i cili është shkaku kryesor i verbërisë në të gjithë botën. Ata mund të zvogëlojnë gjithashtu edhe rrezikun e kataraktit dhe retinopatisë diabetike.

Është pa gluten Gluteni është një lloj proteine që gjendet te drithërat, si gruri, elbi. Gluteni mund të shkaktojë efekte negative anësore të gastrointestinale, si dhimbje barku tek individët me ndjeshmëri ndaj glutenit (28Trusted Source).

Mund të ndihmojë në humbjen e peshës Orizi i zi është një burim i mirë i proteinave dhe fibrave, të dyja mund të ndihmojnë në promovimin e humbjes së peshës duke zvogëluar oreksin dhe duke rritur ndjenjën e plotësisë.

Përfitime të tjera të mundshme

Orizi i zi mund të ofrojë gjithashtu përfitime të tjera të mundshme, duke përfshirë: ·

-Uljen e nivelit të sheqerit në gjak. Studimet kanë treguar se konsumimi i orizit të zi dhe ushqimeve të tjera që përmbajnë antocianin, mund të ndihmojnë në uljen e nivelit të sheqerit në gjak te personat me diabet të tipit 2.

-Mund të ulë rrezikun për sëmundje të mëlçisë. Sipas studimeve, shtimi i orizit të zi në një dietë të lartë yndyre zvogëlonte ndjeshëm akumulimin e yndyrës në mëlçi.

Te lidhura


Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

S'KA KOMENTE

Comments are closed.