VIDEO- “Ka një kohë për të…”/ Rama pyetet për lënien jashtë listave për deputetë të Ditmir Bushatit. Çfarë thotë për refuzimin e Dritan Lelit

Mar 8, 2021 | 19:30
SHPËRNDAJE

Ndërsa Partia Socialiste pritet të publikojë emrat e listave të kandidatëve për deputetë, duket se jashtë tyre do të mbetet Ditmir Bushati, ish-ministër i Jashtëm dhe deputet aktual në Qarkun e Shkodrës.

I pyetur për këtë çështje, kryeministri Edi Rama preferoi të mos jepte një përgjigje të drejtpërdrejtë duke theksuar se në Partinë Socialiste ka një kohë që mund të marrësh dhe një kohë që duhet të japësh.

Në këtë betejë ‘Ylli’ është skuadra dhe unë flas për skuadrën, jo për individë. Skuadra e PS është shumë më tepër sesa skuadra e deputetëve. Besoj që të gjithë kanë shumë për të dhënë dhe ata që kanë marrë më shumë kanë për të dhënë edhe më shumë. Ka një kohë për të marrë dhe një kohë për të dhënë”- theksoi ai.

Rama pranoi publikisht faktin se i kishte kërkuar kryebashkiakut të Vlorës, Dritan Leli për të qenë në listat e kandidatëve të Partisë Socialiste për deputetë në Qarkun e Vlorës.

Gjatë një konference nga PS-ja, Rama tha se “me të dhe pa të”, Partia Socialiste do të arrinte objektivat në Vlorë.

“Në formimin e një skuadre ka dinamika të brendshme. Nuk ka fare rëndësi çfarë ka menduar njëri dhe çfarë ka menduar tjetri. Është e vërtetë që i kam propozuar të jetë pjesë e skuadrës. Nuk e ka parë të arsyeshme. Është zgjedhja e tij. Me të pa të, skuadra jonë do të realizojë objektivin bazë në Vlorë dhe do të shkojë shumë afër objektivit maksimal që është plotësisht i mundur sipas meje”- theksoi Rama.

© Panorama.al

Te lidhura


Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

 

S'KA KOMENTE

Comments are closed.