Deputeti Kujtim Gjuzi ngriti shqetësimin sot në Kuvend lidhur me numrin e seancave plenare në të cilat ka munguar sipas tij Kryeministri Edi Rama.
Duke iu drejtuar kreut të Kuvendit, Gramoz Ruçi, kreu i Konservatorëve tha se janë bërë 6 muaj mungesë nga ana e kryeministrit, ç’ka sipas tij përbën shkelje të Rregullores së Kuvendit.
“Kryeministri ka munguar 6 muaj në parlament nga data 4 janar deri më 9 qershor.
A përbën kjo një shkelje që mandati i tij të koniderohet i pavlefshëm në këtë moment? Mandati aktual, jo ai i riu?”, pyeti Gjuzi.
Por kryeparlamentari Ruçi e quajti një konstatim të pasaktë këtë të bërë nga kreu i Konservatorëve.
“Je i pasaktë se jo më vonë se seancën e kaluar ka qenë kryeministri duke folur pikërisht këtu“, tha Ruçi.
NDIQE LIVE "PANORAMA TV" © Panorama.al
