Policia ka arrestuar një 25-vjeçar të akuzuar për vrasje, pasi qëlloi dhe i mori jetën një djali 5-vjeçar. Ngjarja ndodhi javën e kaluar në Wilson, në Karolinën e Veriut.
Austin Hinnant tha për “CNN” se ai ishte brenda shtëpisë, kur djali i tij, Cannon, po luante jashtë kur u qëllua.
Hinnant tha se vrapoi jashtë dhe ngriti lart fëmijën e lënduar, duke e mbajtur në krahë.
“Ulërita ‘dikush të më ndihmojë, ju lutem më ndihmoni të shpëtoj djalin tim,’”- tha ai.
Hinnant tha gjithashtu se ngriti kokën dhe pa fqinjin e tij, Darius Sessoms, në kopësht me një pistoletë në dorë, duke ecur sa para-mbrapa i tërbuar.
“Po e shihja teksa po merrja në krah Cannon dhe isha i mbushur me zemërim, por nuk mund të lija djalin tim mënjanë. Thjesht doja të isha me djalin tim,”- përfundoi ai.
Sessoms u largua nga vendi i ngjarjes, por policia e identifikoi dhe e arrestoi të hënën.
NDIQE LIVE "PANORAMA TV" © Panorama.al