Këngëtarja me origjinë shqiptare, Dua Lipa është një ndër të ftuarat e këtij viti në Sanremo Song Festival.
Lajmi u bë publik nga mikpritësi i këtij festivali Amadeus.
Ylli i muzikës pop do ngjitet në skenën e Sanremo dhe pritet të performojë këngët e saj në 4 nga 5 shfaqjet e festivalit, që do zhvillohen midis 4 shkurtit dhe 8 shkurtit.
Padyshim, Dua Lipa do të përfitojë nga shfaqja për të promovuar turneun e saj të ardhshëm “Future Nostalgia”, që do nisë në Itali në fund të prillit.
Emri i turneut është marrë nga emri i albumit të saj të dytë, që do të dalë këtë pranverë, i cili përmban edhe hitin “Don’t Start Now”.
Por Dua nuk është e vetmja shqiptare që do ngjitet në skenën e Sanremo. Moderatorja shqiptare Alketa Vejsiu është gjithashtu një ndër të ftuarat në festival, e cila do të prezantojë.
Lajmi u bë publik nga vetë këngëtarja e cila tha se po qan me lot gëzimi për arritjen e kësaj ëndrre për të cilën luftoi që në moshën 12-vjeçare.
