“Euro, lekë, drogë, armë, thika dhe bixhoz.” Kështu mund të përshkruhet aksioni i policisë në fshatin Podgorie, ku u arrestua një i ri 26-vjeç dhe u shpall në kërkim babai tij, që është edhe kryeplaku i fshatit.
I arrestuari është Orlind Pelinci, ndërsa Arben Pelinci, 44 vjeç është i shpalluri në kërkim. Ky i fundit rezulton dhe me precedentë të mëparshëm penalë, për “vrasje me dashje” dhe “armëmbajtje pa leje”.
Gjatë kontrollit në lokalin të Orlin Pelincit, në fshatin Podgorie, në automjetin tip “Ford” me targa AA 450 CA, si edhe në banesën e tij, policia gjeti një pistoletë TT dhe 1.7 kg kanabis si dhe një shumë prej 6 500 euro.
Në fotot e publikuara prej 26-vjeçarit në Facebook, ai shfaqet me makina të shtrenjta, bizhuteri prej flori, para dhe drogë. Disa prej fotove janë bërë dhe me makinë “Hammer” të sekuestruar nga policia.
Të sekuestruara si provë materiale nga policia:
- 1 kg e 70 gr. lëndë e dyshuar narkotike Cannabis Sattiva,
- 1 armë zjarri pistoletë TT me nr 13034562 ,me krëhër me 6 fishekë,
- 32 fishekë luftarakë, të kalibrit 9 mm,
- 8 fishekë luftarakë, të kalibrit 7.62 mm,
- 10 kapsolla detonatore,
- 4 thika,
- 1 automjet tip “Ford” me targa AA 450 CA,
- 1 automjet tip “Haner” me targa AA 111 JZ,
- 6500 Euro, 200 000 lekë,
- 1 aparat metal kërkues, ngjyrë i gjelbër,
- 1 tavolinë pokeri, me 2 kuti me fisha.
