Presidenti i Sionit, Kristian Konstantin, i befasoi të gjithë, disa ditë më parë, me vendimin e tij drastik për të larguar nga skuadra 9 futbollistë, mes tyre dhe mbrojtësi i Kombëtares, Ermir Lenjani.
Ndërkohë së fundmi, në një prononcim për “Gianlucadimarzion”, futbollisti i Sionit, Mikael Façineti, i cili ishte një prej lojtarëve të larguar, zbuloi se çfarë ndodhi realisht dhe si iu komunikua vendimi drastik.
“Në Whats app ne kemi marrë një dokument, atje duhej të zgjidhnim nëse ulnim pagesën dhe pranonim situatën. Nuk na dhanë as 18 orë kohë për ta menduar. E gjitha skuadra ka thënë “JO”, por presidenti na ka hequr vetëm ne 9 lojtarët. Jemi të tronditur. E kuptoj situatën, por e prisnim një telefonatë për të na thënë: “Si e mendoni? Si do ta vendosim së bashku?”. Por jo, asgjë prej këtyre”, u shpreh futbollisti.
PANORAMASPORT.AL
NDIQE LIVE "PANORAMA TV" © Panorama.al