Presidentja kosovare Atifete Jahajga dhe ambasadorja e Shteteve të Bashkuara të Amerikës, Tracey Ann Jacobson të martën kanë vënë gurthemelin për ndërtimin e objektit të ri të ambasadës së Amerikës në Kosovë.
Ndërtimi i saj do të bëhet në hapësirën prej 5 hektarësh në lagjen “Arbëria” në kryeqytet, tokë kjo që i është dhënë ambasadës në shfrytëzim për 99 vjet, shkruan “Telegrafi”.
Ceremonia e nisjes së ndërtimit është quajtur moment historik.
“Kam nderin dhe privilegjin që sot bashkë me ju të përuroj vënien e gurthemelit të ambasadës së Shteteve të Bashkuara të Amerikës në Republikën e Kosovës. Ky moment shënon fillimin e ndërtimit të shtëpisë tuaj të përhershme në Kosovë, në shtetin tonë të ri qytetarët e të cilit u janë përjetësisht falënderues dhe mirënjohës për rolin e guximshëm dhe historik që keni në bërjen e Kosovës shtet”, thuhet në deklaratë.
“Bashkë kemi bërë goxha një udhëtim. Qëndruat përkrah nesh në momentet më sfiduese të shekullit të kaluar, dhe bashkërisht nisëm një kapitull të ri të shpresës dhe optimizmit në fillim të këtij shekulli për të kurorëzuar përpjekjet tona për Kosovën shtet të të gjithë qytetarëve të saj shtatë vite më parë”, u shpreh ndër të tjera, Jahjaga.
Ajo qe bie ne sy eshte se Jahjaga dhe Jacobson jane veshur me ngjyre te kuqe, teksa nuk dihet ne eshte nje rastesi, apo nese dy zonjat kane dashur te percjellin ndonje mesazh ne kete dite te vecante.
NDIQE LIVE "PANORAMA TV" © Panorama.al
