Rreth një javë pas atentatit në zonën e “Vasil Shantos” në Tiranë, 50 vjeçari Preng Gjini është dërguar për kurim të specializuar drejt Turqisë.
Mësohet se Gjini është nisur me urgjencë mëngjesin e sotëm drejt shtetit turk, kur pritet t’i nënshtrohet mjekimit më të specializuar.
Ngjarja ndodhi pasditen e 15 qershorit, ku një sasi eksplozivi shpërtheu në mjetin e tij, duke i shkaktuar plagë të rënda. Më vonë u mësua se lënda e vendosur poshtë makinës në pjesën e pasagjerit ishte rreth 500 gram.
Shpërthimi i fortë thuajse e shkatërroi plotësisht mjetin me të cilin udhëtonte Gjini. Ende nuk ka të arrestuar për ngjarjen, ndërsa ka dyshime se mund të ketë ndodhur për konflikte që lidhen me çështjet e drogës midis dy fiseve në Rrëshen që ka shkaktuar deri më tani 5 viktima.
Lexoni edhe:
VIDEO/ Pamje nga momenti pas shpërthimit të automjetit të Preng Gjinit
Atentati ndaj Preng Gjinit/ I plagosur edhe një adoleshent përveç turistit italian
NDIQE LIVE "PANORAMA TV" © Panorama.al