Italia është finalistja e parë e këtij Europiani pas fitores dramatike me penallti ndaj Spanjës në stadiumin “Uembli”.
Emocionet e gjysmëfinales drithëruese janë përjetuar edhe në Tiranë, ku mijëra tifozë e kanë ndjekur përballjen në sheshin “Skënderbej”, duke pritur fitoren e kombëtares së zemrës në “skenën” e improvizuar të “Fan Zone”.
Në fund fati u buzëqeshi të besuarëve të Mançinit, çka ndezi festën edhe në kryeqytetin e Shqipërisë.
Siç mund të shihet nga këto foto qindra të rinj valvitin flamurin trengjyrësh të Italisë, mbajnë të veshur fanellën e kaltër, konsumojnë birrë dhe shpërthejnë në brohorima pas golave të shënuar.
Nuk mungojnë as tifozët spanjollë, që ndonëse më të paktë në numër në Shqipëri duket se janë rritur në dekadat e fundit.
NDIQE LIVE "PANORAMA TV" © Panorama.al