Banorët e lagjes 10 në qytetin e Korçës janë gdhirë sot në panik pasi fasadat e pallateve të tyre ishin të mbushura me mbishkrime në shenjë përkrahje për Shtetin Islamik ISIS.
“ISIS”, “Allahu Ekbar”, “Al Kaeda”, “Ak-47”, janë vetëm disa nga fjalët që janë shkruar në fasadat e pallateve, që nuk dihen se nga kush janë vendosur.
Banorët jashtë diktofonit pohojnë se në këtë lagje jetojnë disa prej besimtarëve radikalë të ISIS.
Ndërsa ata shprehin frikë dhe thonë se janë të shqetësuar se mos u ndodh gjë po të flasin.
Ja fotot e sjella nga korespondentja e Panorama në Korçë. Nuk dihet ende nëse autoritetet kanë nisur hetim në lidhje me ngjarjen. Pritet që çështja të sqarohet orët në vijim.
Ky është rasti i parë në qytetin e Korçës ku shfaqen hapur mbishkrime të tilla terroriste. Prej andej raportohen dhjetëra të larguar për në Siri, disa prej të cilëve kanë humbur edhe jetën në luftime./Dh.C/
NDIQE LIVE "PANORAMA TV" © Panorama.al
