Shteti Islam, ISIS, ka kërcënuar se do të rrëmbejë e ndëshkojë tifozët që kapen duke parë përballjen e Cristiano Ronaldo-s dhe Lionel Messi-t në “El Clasico”.
Ata paralajmëruan se kushdo që kapet duke parë ndeshjen në mes Barcelonës dhe Real Madridit do t’i dorëzohet 18 gjuajtjeve me kamzhikë.
Kafeneve dhe restoranteve në territorin e mbajtur nga IS u kërkohet të fikin televizorët, kur dy klubet më të mëdha të Spanjës janë në fushë.
Një burim nga Kurdistani i tha “DailyStar”: “IS ndalon shikimin dhe ushtrimin e sportit, veçanërisht të futbollit, pasi e sheh si një produkt të Perëndimit dekadent”.
ISIS ka vrarë një grup adoleshentësh, 13 tifozë të futbollit, që u kapen duke shikuar një ndeshje këtë vit.
Është e paqartë nëse dikush është dënuar se pa ndeshjen e së dielës së kaluar, kur Barcelona fitoi 2-1.
NDIQE LIVE "PANORAMA TV" © Panorama.al
